Extra | Venezolanonan akusá pa trafikashon humano kondená na 12 luna

Venezolanonan akusá pa trafikashon humano kondená na 12 luna | Extra

WILLEMSTAD.- Korte di promé instansia ayera a trata kaso di dos venezolano ku a trese personanan indokumentá Kòrsou. Manera nos tur sa Kòrsou ta man na kabes mirando ku e fenómeno aki ta asotando nos isla ku tur e konsekuensia ku e ta trese kuné.

Pa ku esaki e venezolanonan Juan Lugo Raz(31) i Jhon Angel Quero(36) a keda akusá di transportá un kantidat di 18 persona for di Venezuela pa Kòrsou, den un lancha chikí dia 17 di febrüari último, di e forma ilegal. Ta trata di trafikashon humano ku ta algu kontra lei. E akusadonan ayera a presentá den sala di korte pa asumí nan responsabilidat. Nan a atmití nan kulpa i a bisa ku nan a hasié pa nesesidat.

Segun e akusadonan, nan a keda aserká pa hasi e negoshi. Ku esaki nan lo a risibí 400 dòler pa hiba e hende nan Kòrsou. Segun e akusadonan, nunka promé nan no a hasi esaki i no tabata sa e konsekuensia nan. Mirando e loke nan ta pasando na Venezuela, nan a bai di akuerdo pa asina haña sèn i ku esaki nan famia por a kome por lo ménos 2 luna. Raz a bisa ku e ta tata di famia i ku e ta responsabel pa su señora i su yunan kome i ta p’esei a tuma e trabou. Ambos akusado a duna di konos’é ku nan ta kome bon den prizòn i ta wòrdu bon tratá, pero ta preokupá pa nan famia i no sa si tur dia nan ta kome.

Nan a pidi hues pa duna nan nan libertat ku e kondishon ku nan no ta bin Kòrsou mas. Fiskal mr Koert a bisa di ta kere e loke e akusadonan a papia, mirando ku ora Warda Kosta a gara nan, mesora nan a deklará tur kos i a atmití nan.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *