Extra | Trahadónan di InselAir tin garantia di pago di salario

Juni Sluis InselAir | Extra

WILLEMSTAD.- Tin diferente faktor a pone ku empleadonan di InselAir no a kobra nan salario ainda.

Un dje faktornan ta e dianan di fiesta, kombiná ku wikènt, pero tambe preguntanan adishonal ku e aktual gobièrnu a hasi na gerensia di e kompania i ku a tuma tempu pa por risibí e siguiente montante di plaka pa por sigui drai i sania e kompania. Pero trahadónan di InselAir ta garantisá di nan sèn pasobra ketu bai nan ta den servisio. Asina e direktor suplente, sr. Juny Sluis, a duna di konosé den un entrevista na un televishon lokal. T’asina ku un grupo di empleado di InselAir ayera a akudí na un dje urnanan unda un dje lidernan polítiko a bai vota, i a monta un protesta presisamente pa motibu ku nan no a risibí nan plaka ainda.

T’asina ku tabatin un rumor ta kore ku InselAir entrante djaluna próksimo lo kambia di nòmber i lo sigui den operashon bou dje nòmber ei. Sr. Sluis a splika ku esei ta un vershon ku ta pa promé bes el a tende. E tin di bisa ku for di dia el a asumí e funshon ei tin rumornan ta kore konstantemente, pero ku InselAir ta bai operá bou di otro nòmber, e no ta na altura.

Segun sr. Sluis mas aleu, for di ayera mainta kaba e trahadónan tabata na ofisina di InselAir i nan a pidi aklarashon riba e asuntu di pago di salario ku no a kai ainda. E ta konsiderá ku e reklamo tabata legítimo, pero el a duna aklarashon si riba un ke otro. E trahadónan no a ser notifiká ku lo no bai paga nan, pero di otro banda nan no a risibí nan salario tampoko. Segun Sluis, a base di e 33 mion di fiansa ku e kompania a haña serka gobièrnu, gerensia kada bes tin di hasi petishon pa risibí un sierto montante pa por kumpli ku su gastunan. Pero esei ta di akuerdo ku e palabrashon ku gobièrnu. Den e kaso di e luna aki e mandatario nobo a bini ku preguntanan adishonal. Segun e proseso di algun luna kaba, entre e momentu ku hasi e petishon pa e montante i momentu ku esaki yega serka InselAir, ta dura un sinku dia di trabou. Pero mester kòrda ku tin dianan di fiesta meimei den fin di luna di aprel.

Segun sr. Sluis, miéntras ku SOAW no duna ningun pèrmit ainda pa retiro, e trahadónan ta keda den servisio di InselAir i komo tal e kompania ta paga nan tambe. Pues tin un obligashon ku nan i lo paga nan tambe, i esei ta algu ku probablemente lo sosodé den transkurso di otro siman.

Bron: Extra

KdnT a primintí eks trahadónan InselAir salario djamars

KdnT a primintí eks trahadónan InselAir salario djamars

WILLEMSTAD.- Ayera trahadónan di InselAir ku ta den proseso di retiro a bai e urna unda Amparo dos Santos di Kòrsou di Nos Tur ta vota pa puntra ta kon ta para ku e sèn ku mester bai e kompania di aviashon pa nan por kobra. Pasobra tur trahadó ku ta trahando a kobra, pero nan ku ta na kas no a kobra ainda.

Edward Braam, parlamentario independiente den Bloke 12 tin e kartera di finansa bou di dje. E ta number 3 riba partido Kòrsou di nos Tur. El a konfrontá e trahadónan deklarando ku ayera e sèn final lo a keda pasa riba kuenta di InselAir pa paga trahadónan tantu esnan na boka di trabou komo esnan ku ta na kas en espera di nan retiro. El a bisa nan ku e sèn a keda pasá.

E trahadónan a kontestá ku nan a keda informá dor dje tim di maneho ku gobièrnu no a pasa e sobra 7 mion p’e kompania di aviashon di manera ku e kompania por a paga nan.

E lider di KdnT Amparo dos Santos a yega e momentu ei serka trahadónan i a bisa ku el a duna órden na su ministernan ku hamas lo duna InselAir sèn den nan man. E organisashon di gerensia di InselAir no ta haña sèn. “Mi a bisa ministernan Ribeiro, Goeloe i Alberto pa pone e sèn riba bosnan kuenta, esta bosnan ku ta na kas. InselAir ta tuma e sèn, i kita bosnan for di trabou. Mei e ta kita bosnan tur e for di trabou. A bisa ku ta pone e sèn den un fondo pa bosnan. E sèn ta bai e siman aki pa trahadónan kobra”, ta loke dos Santos a bisa e trahadónan.

KdnT a primintí eks trahadónan InselAir salario djamars

Trahadónan a puntra kon gobièrnu por sa nan number di kuenta. Segun dos Santos InselAir tin di duna gobièrnu e numbernan di kuenta di banko dje trahadónan. Segun e trahadónan a respondé ku esei ta violashon di privasidat di hende. Trahadónan tambe no ke pe sèn bai InselAir. Finalmente dos Santos a bisa e trahadónan ku djaluna òf djamars mas tardá trahadónan ta kobra.

“InselAir bai fayit numa i nan no ta haña sèn”, ta loke ku Dos Santos a terminá bisando.

Manera ta konosí den reunionnan di parlamento último simannan despues ku Bloke 12 a sinta, a tene un komishon sentral ku trahadónan retirá for di e kompania di aviashon. Den e reunion aki a sugerí ku lo no traspaso e último 7 mion florin for di e fiansa di 33 mion p’e kompania di aviashon. Gerensia di InselAir tambe a duna presentashon den parlamento, unda a splika ku e último “transhe” di 7 mion pa InselAir ta masha importante p’e kompania. spesialmente p’e kompania. Awor ta parse ku InselAir no ta bai haña e suma di 7 mion florin.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *