Extra | MEO a sera Toko Jenny na Muizenberg

MEO a sera Toko Jenny na Muizenberg | Extra

WILLEMSTAD.- Ayera durante di oranan di mainta, funshonarionan di MEO, BAB i tambe SOAW a bishita Toko Jenny na Muizenberg i tambe Lucky Six Minimarket na Gosieweg.

Durante di kòntròl na Toko Jenny a konstatá vários iregularidat manera produktonan kaduká manera pakinan di juice, sason pa kushina, produktonan den frizer pa kushina i vários mas, tambe a deskubrí preisnan di produkto di makutu básiko ku no tabata kuadra i tambe produktonan ku no tin preis visibel ariba.

Pa loke ta trata papel i pèrmitnan di e negoshi, esakinan tampoko no tabata na òrdu.

Un di e motibunan prinsipal ku a sera e establesimentu aki tabata debí ku e lugá ta funshoná di un forma hopi a-higiéniko i tambe tin benta di number i trahamentu di pan ilegal.

Despues a sigui pa Lucky Six Minimarket na Gosieweg.

Aki a konstatá ku e minimarket ta funshoná di un manera ku no ta loke tin riba e pèrmitnan. E minimarket ta mitar tienda i mitar hardware lokual nan no tin pèrmit pe.

Mesora a ordená propietarionan pa kuminsá saka tur kos i na momentu ku regresá pa kòntròl e siman aki mes, tur kos mester ta saka.

Tambe a deskubrí produktonan kaduká den rèki pone manera entre otro juice i produktonan den frizer.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *