Extra | ‘Kòrsou i Sint Maarten ta hunga ku kandela ku CBCS’

‘Kòrsou i Sint Maarten ta hunga ku kandela ku CBCS’ | Extra

WILLEMSTAD,- ‘Na niun pais na mundu ta eksistí un Banko Sentral ku no ta funshoná, manera Banko Sentral di Kòrsou i Sint Maarten (CBCS)’. Asina presidente saliente di Kolegio di Supervishon Finansiero (Cft) Age Bakker a bisa den un entrevista ku korant ulandes ‘Het Financieele Dagblad’.

E korant a puntra Bakker e siguiente: ‘Presidente di Banko Sentral di Kòrsou i Sint Maarten Emsley Tromp ta sospechá di froude i ta sinta na kas. Hunta di Komisario no ta kompleto, miembronan ta bringa ku otro. Kiko ta bo opinion di e situashon?’

Bakker ta kontesta: ‘E situashon ta tarda demasiado hopi. Na niun pais na mundu ta eksistí un Banko Sentral ku no ta funshoná, manera Banko Sentral di Kòrsou i Sint Maarten. Kòrsou i Sint Maarten ta hunga ku kandela. Tambe ta hopi frustrante ku riba e dos paisnan ekonomia no realmente ta krese. Na promé instansia m’a kere ku esaki ta un konsekuensia di finansa di Gobièrnu. Awor mi ta di opinion ku ekonomianan kasi no ta krese, pasobra ta falta konfiansa.’

Den e entrevista Bakker a splika ku na su opinion supervishon finansiero di Kòrsou, Sint Maarten, Aruba i islanan di BES mester keda. Awor e supervishon ta temporalmente i keda evaluá dor di Gobièrnu di Reino. Segun Bakker mester instalá un sistema di supervishon permanente.

Bakker a sigui bisa mas aleu ku esaki por tin konsekuensia positivo pa posibel invershonistanan. ‘I na mesun momentu esaki ta minimalisá e riesgo ku Ulanda mester paga pa posibel mal maneho finansiero. Tambe esaki tin konsekuensia positivo, ora e paisnan ke fia sèn. Ora tin supervishon e paisnan por fia via Ulanda. Kòrsou awor ta fia sèn via Ulanda i ta paga interes entre 1 i 1,5 porshento. Si nan ke fia riba nan mes nan ta paga un interes di 6 porshento. Ku ta un diferensia hopi grandi.’

Bron: Extra

3 Reacties op “Extra | ‘Kòrsou i Sint Maarten ta hunga ku kandela ku CBCS’

  1. Drechi pa bosnan Tur

    This proves that you are also a man of principles Dino! Good man!

  2. @Drechi pa bosnan Tur. It takes a man to admit that. +10

  3. Drechi pa bosnan Tur

    Ik heb van de week, achteraf gezien, Dhr Age Bakker, scheidend voorzitter van het CFT, beslist onheus bejegend toen ik vond dat er geen permanent toezicht hoefde te bestaan op ons.
    Ik trek mijn woorden hierbij ruiterlijk terug! Ik had niet alle facetten op een rijtje staan…. Mea Culpa Hr Bakker!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *