Extra | Kòrsou i e drama humanitario na Venezuela

Kòrsou i e drama humanitario na Venezuela | Extra

WILLEMSTAD.- Esaki ta un yamada desesperá na outoridatnan di Kòrsou. Venezuela ta pasando e krísis mas grandi di su historia. E ta impliká un drama humanitario: hende di Venezuela ta sufri di hamber, ta biba den angustia i ku e temor di muri.

Ta tema di muri den man di kriminal o por forsanan represivo di un gobièrnu totalitario o pa falta di atenshon médiko Den nos region no ta mira ku tin por ehèmpel 1.200.000 Venezolano legal o indokumentá ku a migra na Colombia. Na aña 2016 a drenta Perú entre 300 i 400 venezolano tur siman, i e estado peruano a duna pèrmit temporal pa esnan ku a drenta legal promé ku desèmber 2016. Chile ta konta mas ku 8000 venezolano ku visa temporal o permanente i mas ku 23.000 a pidi pèrmit pa traha.

Kiko ta pasa na Kòrsou? ¿Dikon no ta duna un reakshon manera e otro paisnan ruman? Si, bèrdat Kòrsou ta hopi mas chikí ku e paisnan menshoná, pero Kòrsou no por sera wowo pa e echo ku e fluho di imigrantenan indokumentá ta krese i ku niun hende sa kuantu nan ta. Esaki ta na gran parti debí na falta di fleksibilidat di gobièrnu. Nan ta na Kòrsou kaba i ta forma parti di e realidat di kada dia.

E poblashon ta protehá nan, e outoridat ta persiguí i reprimí nan. Kasi tur ta bini for di Falcon, e estado bisiña ku tin un historia komun ku Kòrsou: ekonómiko, kultural i pa su laso familiar.

Míles di hende di Falcon ta mantené e memoria di su anochinan kurasoleño bibu, tin pa siglo kaba un bai bin for di e pida laman smal ku semper a uni nos, pero ku ta separá nos awor.

Nòmbernan manera Faneite, Casseres, Petit, Curiel, Arión, Steckman, van Grieken, Henriquez, van der Biest, Pinto, Weber, Arends, Penso, De Lima, Senior… ta entre e kantidat di fam ku ta kompartí e mesun historia i ku tin raisnan na tur dos banda di laman. I: nos ta toka e mesun tambú i ta kome e mesun funchi, ayaka i keshi yena.

Nos ta konsiderá ku ta tempu ku e outoridat di Kòrsou di asumí su responsabilidat históriko relashoná ku a drama humanitario. No ta bon pa mantené un silensio so. Si otro paisnan por tuma medida temporal o definitivo para regulá e fluho migratorio i pa respetá e derecho humano di e Venezolano desesperá dikon Kòrsou, mas ku ta chikí, por hasi nada? E pregunta aki ta hasi doló. Nos ta spera di haña un kontesta sensato i respetuoso.

E karta ta firma pa:
Ieteke ‘Inchi’ Witteveen, Curaçao, antropólog.
Blanca De Lima, La Vela de Coro. Venezuela, Antropóloga-Historiado.-
Kimberly N. Schreuders. Curaçao, Asesor fiscal
Kurt Schoop, Curaçao, Social entrepeneur –
Dick Drayer, Curaçao, periodista, antropólogo
Herman van Bergen, pintor i eskultor
Rianne Hellings, Curaçao, webdesigner and educator
Ace Suares, Curaçao, Open source expert,
Ini Statia, Curaçao, lingwista
Rafael Ángel Curiel Penso, Coro, Venezuela, arkitekto.
Karol Senior. Coro. Venezuela., Pedagogo
Ysaac López. Pueblo Nuevo de Paraguaná. Venezuela, Historiador .
Hubert Cabaña. Curaçao, Curacao, pensionado
Ricardo Henríquez Larrazábal. Maracaibo, Venezuela-Barcelona, España, profesor universitario
Raquel Tirado Molina. Coro. Venezuela, Eskritor.-.
María Fernanda Mujica Ricardo. Caracas. Venezuela, Periodista
Bernardo Rodríguez Salcedo. Coro. Venezuela-Dundee, Escocia, Comunicador Social.-.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *