WILLEMSTAD.- Ayera durante di oranan di mèrdia mas o ménos 12:45 sentral di polis a risibí informashon ku den área di Piscadera lo mester tin un kas na kandela.
Na yegada di unidat di bombero di Mundu Nobo mester a pidi refuerso di unidat di Rio Canario tambe mirando grandura di e kandela.
Na e sitio por a komprondé ku pa motibunan ku ainda ta deskonosí un kas grandi pero no abitá lo mester a pega na kandela i kima por kompletu.
Na momentu ku personal di bombero tabata pagando e kandela partinan di kas aki a sak den otro. Investigashon den e kaso aki ta kontinuá.
Bron: Extra