Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: [email protected]
Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discrimeneerende taal inhouden worden door ons niet gepubliseerd.
Vandaag laten we ” RAYMOND SAMBO” aan het woord…………..
Un Lider
UN VISHON un mishon
Ken por a pensa
ku destino a disidí otro?
Ken por a pensa?
ku su liderato tabata unu kòrtiku
Ken por a pensa?
ku a pesar di esakinan
su mensahe a keda kla i raspá
Su mensahe kontra di korupshon
su mensahe kontra di inhustisia soshal
su mensahe di patriotismo i solidaridat
Un lider a pasa bai
mustrando i indikando
e kaminda na soberania
Un lider a kai
pa su konvikshon i idealnan noble
pa reskatá su pueblo
for di e gara di ignoransha
Un lider derterminá
ku kurashi, un héroe
a keda silensiá, pero no a keda ketu
Lo e sigui papia
pa medio di kada un di su siguidónan
Lo e sigui manifestá
su desakuerdonan
pa medio di kada un di su siguidónan
Lo e sigui denunsiá
aktonan kontra di bienestar di su pueblo
pa medio di kada un di su siguidónan
Esaki no ta tempu pa lamentá
esaki ta tempu pa sigui padilanti
esaki ta tempu pa uni forsa i sostené otro
esaki ta deseo di nos lider máksimo
Helmin Magno Wiels, sosegá na pas
miembro i aktivista
di Pueblo Soberano
RAYMOND SAMBO
Curaçao