Komunikado di Prensa di Federashon Otrobanda
Otrobanda, 21 yüni 2012
Realisá Bo soño den Bon Bario
Kon por aktivá i motivá un grupo di hendenan di bario den un forma plasentero pa nan realisá nan soño den nan bario ?
Na diferente kaminda den mundu e forma di traha aki tabata un éksito kaba i awor a toka turno na Otrobanda pa realisá esaki.
Tres eksperto a bini (paga ku fondo di EU) di e.o. Hulanda i Brasil den Otrobanda pa trese habitantenan huntu pa nan pensa na un manera positivo i konstruktivo kon nan por yega na un Plan pa drecha nan Bario Otrobanda.
Bou di guia di e fasilitadónan habitantenan a kana e shete stapnan pa yega na e plan pa bai drecha Kura’i Shon Fil.
Mirando ku Federashon Otrobanda ta aktivo den diferente sup-barionan di Otrobanda nan por a mobilisá 20 persona pa sigui e treinin di fasilitadó pa despues nan sali bai entusiasmá e habitantenan pa e plan ku nan tabata kier a realisá den Kura’i Shon Fil.
E lokual ta wòrdu yamá “Oásis Game” a bira un éksito rotundo. Ta asombroso pa weita kuantu trabou hendenan di bario mes por realisá den korto tempu ora nan traha huntu. Total mas ku 100 hende di Otrobanda i amigunan di Otrobanda a partisipá.
Federashon Otrobanda por wak bèk riba un proyekto sumamente eksitoso pa bario Otrobanda, kaminda despues di hopi tempu habitantenan a bini huntu pa traha na un proyekto ku lo benefisiá tantu hóbennan komo hende grandi. Wak e portrèt athunto.
