PB | Verklaring over de laatste ontwikkelingen tussen Curacao en Nederland

Met Nederlandse ondertiteling

Kerido pueblo,

Direktamente for di Hulanda mi ta manda boso e mensahe aki, pa personalmente informá boso tokante resultado di e reunion di Konseho di Minister di Reino ku a tuma lugá awe, 30 di òktober.

Manera mi a komuniká último bia, mi a bin Hulanda pa mi MES ta presente den e reunion aki, ku pa Kòrsou ta di sumo importansia. I loke mi por bisa boso TA ku mi ta SUMAMENTE satisfecho ku e resultado!

Durante di e reunion di Konseho di Minister di Reino, a keda akordá ku Kòrsou a kumpli ku tur eksigensia di e di dos transh. Tambe a kombersá ekstensivamente riba e di tres transh pa sosten finansiero. Aparte di e reformanan palabrá, Hulanda ta ofresé sosten finansiero nobo i ademas di esei, INVERTÍ den Kòrsou su desaroyo riba vários tereno. A base di tur esaki, Sekretario di Estado Knops i mi persona A risibí e mandato pa sigui traha den e wikènt benidero i asina konkretisá sierto punto. Ku e EKSPEKTATIVA pa djaluna awor, ku Dios su poder, ofisialisá tur kos na Kòrsou.

Mi ta inmensamente orguyoso di nos pueblo, ku a sa di mantené FE i tene kabes friu manera mi a pidi, i ku a duna e espasio nesesario pa e negosiashonnan kana nan kaminda. Un DANKI di kurason!

Danki tambe na tur eksperto i ámtenar ku a kontribuí DIA’DEN DIA’FÓ, pa por a yega kaminda nos ta awe. Loke falta ainda awor, TA pa ami kompletá e lastu parti kardinal di e proseso. Pero laga mi FOR DI AWOR invitá boso na un Rueda di Prensa djaluna benidero, den KUA lo mi duna boso sobrá notisia i detaye di e palabrashonnan.

Mi ta deseá boso un FELIS wikènt!

Bron: Persbericht Ministerie van Algemene Zaken

Geef een reactie

Het e-mailadres wordt niet gepubliceerd. Vereiste velden zijn gemarkeerd met *