Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: [email protected]
Wij publiceren uw brief zonder in te korten………….

AWOR KU e tres lidernan aki a haña pueblo su sosten tur ta hasi bofon di e pueblo mansu, pasobra nan sa ku pueblo no por kita e poder for di nan. Helmin Wiels ku tabata poeslief den kampaña a habri su uñanan i kuminsá zundra Gerrit Schotte, Gerrit Schotte a basha bou riba Wiels i kita su firma for di konvenio di disponibilidat, pa despues Helmin Wiels kuminsá tilda Schotte públikamente ku e ta sneif. Aya banda den radio talkshow un gran kantidat di hende apesar di tur e bòmbòshi aki, ta yama sostené e koalishon di MFK, PS, i MAN. Aya banda tambe un Charles Cooper ku a pèrdè sinseridat ta papia di drecha e relashon i nos pueblo tin ku soportá e bagamunderianan aki. Pueblo, sea b’a vota MFK, PS, MAN ku ta bo derechi, kon bo por spera un koalishon manera ariba menshoná por goberná bo país ku ta den un situashon ku un gran parti di e pueblo ta preokupá ku asina si no por sigui. Bo ta honesto ku bo mes si bo kier pa e koalishon ariba menshoná ta responsabel di 1600 mion pa hasi kos pa bo, i den dos aña tur plaka a kaba? Ki futuro bo ta spera ora e koalishon a goberná e pais aki kuater aña mas? Shonnan, den bida un biaha pa mayoria hende bo ta yega den tòp i si bo no hasi bon uso di dje lo bo keda pena semper di bo bida. Tuma bon nota di e informashon aki i pensa riba futuro di e país aki.

EDGAR GACHI LEITO Curaçao