Extra | Werner Wiels a tuma retiro komo presidente Tim Multi Disiplinario Refineria Isla

Werner Wiels a tuma retiro komo presidente MDPT| Extra

WILLEMSTAD – Despues ku e informashon tabata kore pa algun dia, EXTRA a haña konfirmashon e siman aki di un fuente outorisá ku Werner Wiels no ta presidente mas di MDPT.

MDPT ta para Multi Disciplinary Project Team ku ta studiando futuro di Refineria Isla ku a lanta bou di e gabinete Asjes. E fuente no kier a bisa kiko ta e motibu di retiro di Wiels. “Mi por konfirmá ku el a retirá”, asina e fuente outorisá a bisa.

Ta konosí ku Wiels aparentemente no ta masha kontentu ku e forma ku e deliberashonnan ta bayendo. Un di e aspektonan ku e no ta di akuerdo kuné ta ku ta bai studia e faktibilidat di un refineria nobo, ku na su konsepto por peligrá e deliberashonnan ku e konsorsio chines Guandong Zhenrong. Ta bou di Wiels tabatin e promé kontakto ku e grupo chines te ku a firma un Letter of Intent i despues un Heads of Agreement. Wiels, ku bendishon di Promé Minister Bernard Whiteman e tempu ei i huntu ku e otro miembronan, a konsiderá e opshon di Guandong komo esun mas mihó pa sigurá futuro di e Refineria. Ademas Wiels a presentá huntu ku su tim e plan pa establesé un planta di gas pa baha e emishon di polushon na e refineria. E refineria lo bai traha den futuro ku gas líkido natural (LNG).

Ya kaba durante instalashon di gabinete Koeiman, Wiels komo presidente di e tim no tabata masha visibel. E tempu ei a bisa ku e tabata ku fakansi. Siman pasá durante e bishita di tòp di Guandong Zhenrong na Kòrsou, e ousensia di Wiels tabata notabel. Ta Aubrich Bakhuis, visepresidente di e tim, a tene e presentashonnan riba progreso di e proyekto. Na e deliberashonnan a asistí Promé Minister Eugène Rhuggenaath i Minister di SOAW Hensley Koeiman i konseheronan. No por a mira Wiels ningun kaminda atrobe. Despues a bin konfirmashon ku Wiels no ta parti di e tim mas. Loke por nota ta ku e kasá di Minister Zita Jesus-Leito, Edward Jesus a haña un ròl grandi den presentashonnan di e tim multidisiplinario. Despues ku el a baha na Refineria Isla, a kontratá Jesus konsiderando su trayektoria amplio riba tereno di petroli.

Segun informashonnan ku EXTRA a haña lo bai restrukturá e komishon próksimamente. Mayoria di e miembronan lo keda den e komishon pero gabinete Rhuggenaath, konsiderando e importansia di e proyekto kier añadí algun eksperto nobo na e tim. E ekspertonan aki ta esnan ku lo sigui liña di Gobièrnu pa loke ta trata futuro di e refineria.

Werner Wiels na diferente okashon a defendé e aserkamentu di Guandong Zhenrong komo un opshon úniko pa Kòrsou. “Un regalo for di shelu pa Kòrsou”, manera el a bisa na mas ku un okashon. Bou di su mando, e tim a traha diligentemente ku sosten di Gobièrnu di signatura soberano (Werner Wiels ta ruman di defuntu Helmin Wiels), na e trayekto pa futuro di e Refineria despues di 2019. No ta tur hende tabata di akuerdo ku su forma di operá, sigur pa motibu ku no ta tur ora tabatin transparensha den e proseso.

Kiko Wiels ta bai hasi no ta masha kla. Di tur manera e tim awor aki ta den man di Aubrich Bakhuis, un konosedó di e materia i tambe defensor di e opshon pa sigui dil ku Guandong Zhenrong.

Bron: Extra

2 Reacties op “Extra | Werner Wiels a tuma retiro komo presidente Tim Multi Disiplinario Refineria Isla

  1. Abraham Mossel

    Hij denkt weg wezen voor het te laat is, net zoals zijn zus het grootste viswijf van Den Haag, ook die heeft het goed voor elkaar, met stille tromp verdwenen ” tot nu toe”///?????? Trouwens Werner heeft het over een ! rechtzaak? ik heb tot nu toe alleen gelezen over een onderzoek & wannabada beleid door deze zakken vuller en van zijn opdracht gevers en onder leiding van Gerrit de Raaf, v d Dijs en Corallo, leden van de 260 miljoen verdamp maffia club

  2. Deze klootzak heeft genoeg zijn zakken gevuld.

    Net als zus Fraudelyne heeft hij gigantisch geprofiteerd van zijn broer Helmin,

    Lijkenpikkers noemen we dat.

    Een smet ook op de nagedachtenis van Helmin.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *