WILLEMSTAD.- Ta imposibel bisa for di awor si e demanda masal ku un pasahero di InselAir a entamá na mei último kontra InselAir na Miami lo prosperá, pero ni maske InselAir bati bankarota, e kondena ta bira permanente i lo stroba kualkier operashon nobo di InselAir riba e ruta pa Miami.
Esaki EXTRA su koresponsal di Aruba a informá.
E pasahero ku a reuní sentenáres di otro pasahero ku a yega di bula ku InselAir for di Miami pa Venezuela via Aruba yama Hector Saade i el a kontratá abogadonan na Miami pa representá nan den e demanda, pasobra InselAir a kobra nan e pasashi pa bai Venezuela i promé ku nan a abordá e buelo, nan mester a paga un suma adishonal di 80 dòler.
Esaki ta violashon di e kontrakt di transporte entre e pasahero i InselAir i InselAir Aruba ku kual e pasaheronan a sigui nan biahe pa Venezuela for di Miami.
E demanda ku Hector Saade a entregá ta pa un restitushon di por lo ménos 5 mion dòler na míles di pasahero ku el a lokalisá pa respaldá su Class Action.
E tipo di kasonan aki na Merka yama “Procedura Tort” i por kaba ku kompanianan poderoso.
Den e kaso aki e pasaheronan ta reklamá ku kontrakt di e pasashi ta bisa ku te na momento ku e pasahero paga e pasashi, por tin kambio di tarifa, pero despues no mas.
Den e kaso aki pasaheronan ku a abordá na Miami a keda notifiká ku nan mester paga un “Exit Tax”, pero InselAir no ta menshoná esaki riba su wèpsait.
Apesar ku e kontrakt ta papia palabra kla tokante pago di e pasashi, InselAir tabatin un programa kaminda nan tabata eksigí e pasahero pa paga 80 dòler èkstra na Miami Airport promé ku nan por a abordá e avion.
E Class Action awor ta den Korte di Distrito Sur na Miami na nòmber di Hector G. Saade i otronan.
E kaso ta kontra InselAir International B.V. komo InselAir Aruba N.V.
Hector Saade ta residente di Miami-Dade na Florida i a kuminsá e kaso kontra InselAir ku tin un ofisina na Miami-Dade County.
InselAir tabata bula e ruta Venezuela- Miami i Aruba-Miami bou di lisensia di Departamento di Transporte merikano.
E pasahero na nòmber di otro pasaheronan ku a bula e ruta Miami-Aruba i Aruba-Venezuela ta hasiendo un demanda ku ta superior na 5 mion dòler loke ta Saade ta demandando na nòmber di mas ku mil pasahero ku a haña nan ta paga 80 dòler di Exit Fee.
E abogado di e pasaheronan a splika Korte eksaktamente kon e sistema di paga pasashi ta bai, pero den kual no a avisá nan di antemano ku nan mester paga 80 dòler èkstra na salida for di Miami.
E kontrakt ta bisa ku na momento di paga e pasashi e kontrakt di transporte ta bira definitivo.
Esensia di e kaso ta ku e wèpsait di InselAir ta informá pasaheronan ku e pasaheronan ku inisiá nan biahe na Venezuela tin ku paga Exit Tax, pero no ta bisa ku ora nan abordá na Miami pa Venezuela tambe nan tin ku paga 80 dòler. Ku otro palabra, InselAir tabata kobra nan 2x 80 dòler.
No ta Aeropuerto ni Gobièrnu merikano a imponé e regla di 80 dòler.
Den e kaso di Hector Saade, el a kumpra su pasashi via un servisio di kòmpiuter ku yama Cheapo-air.
Dia 19 di yüni 2015, Saade a paga InselAir e Exit Tax promé ku abordá su buelo pa Venezuela hasiendo eskala na Aruba.
Pasaheronan ku a nenga di paga e 80 dòler no por a subi e avion.
E argumento di Saade ta ku e no ta mira dikon e mester paga 80 dòler adishonal siendo ku el a paga e pasashi den su totalidat kaba.
Nan no a bisé ni kobr’é 80 dòler dia el a paga e pasashi. E demanda di Saade ta kubri un periodo di 5 aña di tempu retro-aktivo.
Saade su abogado a bisa ku nan mester a agregá tur e pasaheronan ku a paga 80 dòler, pasobra un hende so no ta bai Korte pa 80 dòler.
Saade a splika tambe ku e grupo ku durante 5 aña a paga e suma adishonal tin medio finansiero pa bai un proseso largu.
Te na e momentonan aki no ta ofisialmente konosí si Korte na Miami a bai di akuerdo pa trata e kaso komo Class Action.
Tampoko ta práktiko pa kada un pasahero ku a ser perhudiká kuminsá un kaso. Ta p’esei Saade i e pasaheronan ta eksigí un proseso ku hurado.
Bron: Extra
Drechi heeft gelijk.
Ter verdediging van het personeel van Insel moet ik wel zeggen dat ik begrip heb voor hun geringe motivatie.
Zij zien de aandeelhouder, van der Kwast, zich elke avond vol laten lopen in de Heeren zonder naar Insel om te kijken.
Zij zien twee nitwits (Heerenveen en Lippinkhof) hun bedrijf ten gronde richten met een volstrekt onverantwoord avontuur in Venezuela en het telkens weer vliegen op nieuwe bestemmingen waar je nog niet gratis naar toe wilt.
Zij zien deze twee nitwits een megasalaris verdienen en ondanks hun wanprestaties bij iedere ontslagronde gespaard worden.
Zij zien twee nieuwe directeuren toegevoegd worden tegen een salaris van 35,000 per maand die,terwijl Insel op omvallen staat, een maand op vakantie gaan.
Ja, Drechi, blijf dan maar eens gemotiveerd als werknemer van Insel.
Sho nan,
Mi, y huntu ku ami basta otro hende, ta morto kansa di Inselair!!! NUNKA ainda ku mi a bula ku nan, nan NO tabata na tempu, y NO a kumpli ku palabrashonnan hasi na nos niun.
Delater bes na Miami, tabata un martirio pa saka informashon for di e personal AROGANTE di Insel ku ta traha na balie na erport! Hesta un berguensa!!!!!!!!! Ora nos ta tin ku sali for di Miami, ainda e buelo no a ni sali for di Korsou ainda!!!!!!! How low can you go!!!!
Mi ta deklara akinan publikamente ku lo mi NO hasi uzo di servisionan di Insel air nunka mas, mientras tantu ku mi ta na bida!!! Mi ta kansa di bosnan Insel!!!!!!!!!
Ni maske bosnan bai fayit, y bin bek komo KLM!!!!!