Extra | Siman interesante pa kaso Babel; Deklarashon asta di Interpol

Links ex-premier en Babel verdachte Gerrit Schotte met zijn eigen onderzoeker, mr. Rutsel Martha (midden) ex-minister van Justitie en ex-director Legal Affairs van Interpol

WILLEMSTAD.- E siman aki, esta awe, a kuminsá ku tratamentu 3 dia largu di kaso Babel den Korte di Apelashon. Ta un siman interesante kaminda segun nos informashonnan for di fuentenan hudisial, tin rapòrt i deklarashonnan ku lo bira konosí pa públiko.

Un di nan ku nos tin entendí di dje ta un deklarashon di Interpol riba asuntu di pasport diplomátiko ku segun e akusashon ta papia ku esaki a keda skondí. Den e akusashon tin para ku Gerrit Schotte falsamente a deklará e pasaporte aki komo pèrdí i den un entrada hudisial relashoná ku e kaso aki den kluis a bin haña e pasaporte diplomátiko aki.

Relashoná ku e akusashon aki di falsifikashon tin un rapòrt di señor R Noble ku tabata sekretario general di Interpol di 2000 pa 2014. El a duna un relato kompleto relashoná ku uso di e dokumento diplomátiko esta e pasaporte.
Den su splikashon nos por konkluí kaminda ta papia ku si e pasaporte a keda hòrta, òf el a keda reportá komo hòrtá òf pèrdí, no por usa esaki despues di e periodo ei mas.

I pa evitá ku ta usa e dokumento aki tòg despues ku e keda reportá komo pèrdí òf hòrta, Interpol a introdusí e I-Checkit. E kompania di aviashon por chek e dokumento for di momentu ku e persona kumpra su pasashi. Si resultá ku e hende us’e siendo e tabata pèrdí òf hòrta, mesora ta tuma akshon legal.

Interpol ta pidi tur ku pèrdè òf reportá nan pasaporte diplomátiko komo pèrdí pa no usa esaki dado kaso hañ’e bek. Si e persona hasié tòg e ta kore chèns di keda nenga pa drenta kualke pais.

I Interpol ta bisa finalmente di no a haña ku niun persona ku un pasaporte diplomátiko na Kòrsou a usa esaki siendo un dokumento ku a keda hòrta òf ku tabata pèrdí.

E karta di sr Noble ta muchu mas largu ku loke nos ta publiká aki. Esaki ta un di e dokumentunan ku lo subi mesa durante tratamentu di e kaso Babel e siman aki. Pero banda di esei segun nos fuentenan hurídiko tin vários otro dokumento i persona presente den e kaso aki, konsiderá di gran interes pa parti di e akusadonan.

Bron: Extra

3 Reacties op “Extra | Siman interesante pa kaso Babel; Deklarashon asta di Interpol

  1. Alles wordt geklaard dit is maar het begin, zelfs die Chavistas kunnen hun bij elkaar geroofde rijkdommen niet verbergen.

    Spoedig zal men beslag leggen alles op al hun tegoeden wereldwijd.

  2. 3 maffia leden op 1 foto…

  3. dus esaki di parti di Schotte lo keda manera e sistema di Trump -si bo ganja basta tur lo kere esaki.
    Unda tur e plakanan a bai? – please manda nan piskalat pa hopi anja-tur dos.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *