32 C
Willemstad
• zondag 26 mei 2024

Extra | Journaal 24 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, May 23, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 23 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Wednesday, May 22, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Tuesday, May 21, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | N.Y.Times artíkulo dramatiko riba balseronan venezolano

HomeLandenArubaExtra | N.Y.Times artíkulo dramatiko riba balseronan venezolano
…Kòrsou i Aruba no por mas segun e korant…

WILLEMSTAD.- N.Y.Times den su edishon di djabièrnè 25 di novèmber a publiká un artíkulo ekstenso, ilustrá ku diferente potrèt na koló riba e situashon na Venezuela ku a kulminá ku balseronan venezolano subiendo laman ganchu pa bai buska un mihó bida na islanan di Karibe, prinsipalmente Kòrsou i Aruba.

Den e artíkulo ta relatá e eksodo masivo di venezolanonan ku ta krusa frontera ku Brasil na Roraima enbuska di un mihó bida i ku tin entretantu mas ku 30.000 venezolano residensia den e siudat kousando un krísis humano, ekonómiko i sosial.

E artíkulo ta kuminsá na relatá storia di Roymar Bello, un dama di 30 aña ku a krusa laman pa bin Kòrsou. Na un distansia basta leu di kosta di Kòrsou e kontrabandista di hende a obligá tur pasahero pa bula na awa i ora Roymar a basilá el a push’é na awa sin tene kuenta ku e muhé no sa landa. Ta un hòmber balsero a tene na kabei i landa bai kosta kuné kaminda nan a subi baranka resando pa un kabuya di bida:trabou, plaka i algu pa kome. Roymar Bello rekordando su aventura ta bisa ku esaki tabata bale la pena, agregando ku míles di venezolano meskos kuné ta bandoná nan pais enbuska di un kos, kuminda.

E artíkulo ta relatá mas aleu ku Venezuela un tempu tabata un dje paisnan mas riku di Amérika Latina, landando den bonansanan di petroli ku tabata atraé imigrantenan fo’i Oropa i Medio Oriente. Pero despues ku Hugo Chavez a hura di lo kibra élite ekonómiko di su pais i re-destribui e bonansa aki pa esnan mas pober, klase medio i e rikunan a bandoná e pais den loke demógrafonan a yama e ‘promé diáspora di Venezuela’.

Entretantu segun N.Y.Times tin un di dos diáspora tumando lugá, unu bashí ku no ta bonbiní tur kaminda. Ta kalkulá ku mas ku 150.000 venezolano a bandoná nan pais aña pasa i e sifranan pa 2016 lo ta muchu mas altu. E imigrantenan djawó ta hustamente e venezolanonan ku e revolushon sosialista di Chavez ker’a yuda pero ku no ta mira kuminda, remedi ni perspektiva. N.Y.Times ta relatá ku desena di míles di venezolano ta krusa bai Brasil i otronan ta trata di eskivá regla i kontrolnan finansiero na erportnan di islanan karibense ku un tempu tabata risibí nan ku brasa habri. Kuminda, trabou i medisina ta praktikamente inoptenibel i ora tin esaki ta bai kompañá ku kriminalidat. E imágennan mas aterador segun e prestigioso korant newyorkino ta esnan di venezolanonan subiendo balseronan, riskando nan bida den awanan brutu enbuska di un mihó bida, kopiando esenanan un tempu masha normal na Cuba i Haiti. Ta pronostiká un inflashon di 500 porshento e aña aki i FMI ta papia di un inflashon di 1.600 porshento pa otro aña, un mònster ku lo redusí tur salario i krea un klase nobo di pobernan na Venezuela. Miéntras Brasil ta aseptando e refugiado venezolano ainda, no por bisa mesun kos dje islanan bisiña di Venezuela ku pa diferente motibu simplemente no tin e infrastruktura pa aseptá míles di venezolano.

Kòrsou i Aruba komo e islanan mas serka efektivamente a sera nan fronteranan pa venezolanonan pober ku mester presentá ku 1.000 dòler na nan yegada, un suma ekivalente na sinku aña di trabou ku salario mínimo. Ambos pais segun N. Y. Times a oumentá patruyahe i deportashon. Na Aruba a reservá un stadion ku kapasidat pa 500 persona ku outoridatnan lo usa pa enkarselá venezolanonan pendiente nan deportashon. E korant ta konkluí ku ta un kambio dramátiko di fortuna pa e venezolano ku un tempu tabata bai Kòrsou pa gasta su plaka komo turista i no pa bai buska trabou.

Bron Extra

Dit artikel is geplaatst in

Geef een reactie

Vul alstublieft uw commentaar in!
Vul hier uw naam in

Zoeken

Recente reacties