31 C
Willemstad
• dinsdag 28 september 2021 19:19

Laatste reacties

- Advertentie -

Extra | Mester restrukturá UTS kòrtando drástikamente

Mester restrukturá UTS kòrtando drástikamente | Extra

WILLEMSTAD.- Direktor di UTS, Paul de Geus a papia te kansa pero poko tabata esnan ku kier a tende. Na diferente okashon, entre otro den EXTRA, De Geus a bisa bon kla ku UTS no por sigui riba e rumbo ku e ta bayendo.

Tin demasiado trahadó na e kompania. Gobièrnunan di turno a hasi manera nan no a tende. Den kampañanan tabata difísil pa atendé e tema aki i awor aki e kompania ta sintá dilanti un eskoho serio. Tuma medidanan severo, inkluyendo den su kantidat di trahadó.

De Geus den último lunanan a menshoná na diferente okashon ku UTS no por sigui kompetí ku den kareda di 500 trahadó siendo su kompetidornan tin hopi ménos. Digicel ku ta mas chikitu resientemente a anunsiá retiro di un gran kantidat di trahadó den área di Caribe i na Kòrsou tambe. UTS sinembargo a keda ku un kantidat grandi di trahadó, maske ku den pasado a baha un grupo respetá kaba. Realidat di mundu ta ku e entrada di yamadanan a kai afó drástikamente i awor aki ta data ta manda. E situashonnan a redundá den un situashon kaminda e kompania a gana “apénas 10 mion florin” aña pasá kompará ku 40 mion florin den 2015. Ku 10 mion florin di ganashi ta difísil pa hasi e invershonnan kuantioso ku e ret di telekomunikashon ta eksigí.

- Advertentie -

Un otro punto importante ta ku e kompania ta buskando un partner stratégiko pero ningun kompania no ta sera un aliansa ku bo si bo gastunan di personal ta eksorbitante komo ku bo tin un gran kantidat di trahadó eksesivo den servisio. De Geus a bisa den último lunanan ku e kompania ta na un krusada serio.

Kiko ta bai pasa awor aki no ta masha kla. Polítika ta parse di tin mas oido pero no kier tende nada di medidanan ku ta kondusí na retiro den un merkado ku ya kaba ta hopi difísil. Kisas lo mester bai kòrta den e kondishonnan di trabou pa tene mas tantu hende posibel na trabou. Pero asina mes lo mester konfrontá e realidat, si no ta awor aki pero pronto den sentido ku tin demasiado hende ta trahando na e kompania.

Den un entrevista na radio ayera minister enkargá ku asuntunan di telekomunikashon Zita Jesus-Leito a rekonfirmá e situashon di e kompania pero e no mara su mes na ningun opshon pa futuro di e kompania. E mandatario a rekonosé si ku mester atendé e situashon aki. Opviamente ku e desaroyonan a lanta preokupashon serka e trahadónan i tin preguntanan serio riba nan futuro. Bon pa bisa ku UTS no ta e úniko kompania di telekomunikashon ku ta pasando den e situashonnan aki pero mayoria kompania na mundu tin e mesun problema kaminda e entradanan for di yamada lokal i internashonal a baha konsiderablemente i ta data ta manda awor aki. Dia pa dia data ta birando mas barata tambe loke ta poniendo mas preshon riba operashon di kompanianan di telekomunikashon.

Bron: Extra

- Advertisement -

Artikel delen

Geef een reactie

Vul alstublieft uw commentaar in!
Vul hier uw naam in

- Advertentie -

Lees ook

- Advertentie -

Zoeken

- Advertentie -

AD | R. Kelly schuldig bevonden aan mensenhandel voor seks: belangrijke spil in ronselen meisjes

Mark den Blanken | Algemeen Dagblad Zanger R. Kelly (54) is door de rechtbank schuldig bevonden aan mensenhandel. Hij heeft decennialang vrouwen en minderjarige meisjes gerekruteerd voor seks....

Democracy now! | Tuesday, September 28, 2021

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience with...

Extra | Journaal 28 september 2021

Elke werkdag het laatste nieuws van Extra, nu ook in het Nederlands. Bron: Extra

Nu.cw | Nederland pakt gokmaffia Curaçao aan

Nederland gaat de gokmaffia op Curaçao flink aanpakken. Dat kondigde voorzitter René Jansen van de Raad van Bestuur van de Nederlandse Kansspelautoriteit (Ksa) maandag aan in de...

Nu.cw | 93 procent van coronapatiënten CMC niet volledig gevaccineerd

Van de 181 opgenomen coronapatiënten in het Curaçao Medical Center (CMC) zijn 169 personen niet of niet volledig gevaccineerd. Dat is 93 procent van de ziekenhuisopnames in...

Nu.cw | ENNIA: “Foute berichtgeving pensioenbetalingen september”

De pensioenbetalingen in de maand september worden gewoon uitbetaald door ENNIA. Dat bevestigt de directie. Op sociale media gaat een bericht rond waarin wordt vermeld dat de...
- Advertentie -