WILLEMSTAD. – Den un komentario kòrtiku formulá pa Redakshon di EXTRA, abogado mr. Hubert ‘Berti’ Braam, ku tabatin e interesnan di Kontrolaria General na su enkargo, den e kaso kontra di UTS, relashoná ku kòntròlnan di bukinan di UTS, a duna di konosé ku a yega ora pa kambia lei. Un lei datá for di aña 1956, no por keda vigente den tempu moderno.
E echo ku Minister Jesus-Leito a hasi menshon ku mester trese kambio den e lei enkuestion, ta un bon punto di salida i un speransa ku por kontrolá bukinan di N.V. nan di gobièrnu.
Pa motibu ku tempu ku a bin ku e lei aki, no tabata konosé N.V. nan di Gobièrnu.
Pa kambia e lei aki, ta un kos fásil, asina Braam a duna di konosé.
No tin mester di hasi muchu kos i pèrdè hopi tempu. Ta un frase ta inkluí den e lei aki, ku ta duna Kontrolaria General ku ta un órgano independiente e outoridat pa drenta den NV nan di Gobièrnu i hasi nan kòntròl. Ta un kos simpel i masha normal.
Ounke ku den e situashon aktual, Braam ta lamentá ku Gobièrnu a hala e apelashon o sea no a duna outorisashon pa kontinuá e kaso na Kasashon. Tabatin un chèns, ounke ku esei no ta un garantia. Pero ku e kambio di e lei, no tin awa pa laba, no tin diskushon ku un N.V. di Gobièrnu ta tene un otro entidat di Gobièrnu afó pa e no kontrolá.
Braam ta spera ku parlamentarionan no mester tarda muchu pa pasa e lei aki i manera e situashon ta aworakí, ta indiká ku e lei aki ta pasa fásil.
E pregunta ta keda, dikon UTS ta hasi problema pa kontrolaria general drenta den nan atministrashon, dikon UTS no por ta transparente si tur kos ta na òrdu, Braam ta opiná.
Bron: Extra
Waarom de wetgeving nog (steeds) niet “up-to-date” gebracht wordt is typisch voor Curacao. Om alle vroegere overheidsdiensten die naar NVs zijn getransformeerd nu over één kam scheren, met dat ene regeltje, biedt waarschijnlijk teveel transparantie.