30 C
Willemstad
• donderdag 18 april 2024

Democracy now! | Wednesday, April 17, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 17 april 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Tuesday, April 16, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 16 april 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, April 15, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 15 april 2024

Elke werkdag het laatste nieuws van Extra, nu ook in het Nederlands. Bron: Extra
- Advertisement -spot_img

Extra | Kimoterapia sigur pa yuda sobrebibi di kanser

HomeMediaExtra | Kimoterapia sigur pa yuda sobrebibi di kanser
...Parlamentario Mac Cijntje... |  Foto Persbureau Curacao
…Parlamentario Mac Cijntje… | Foto Persbureau Curacao

WILLEMSTAD.- Parlamentario di Pueblo Soberano, Mac Cijntje ta rekomendá sin mas pa usa kimoterapia pa tratamentu di kanser. Komo pashènt di kanser ku e mes tabata, sigur e por duna un punto di bista mas spesífiko riba e pregunta ku hopi hende tin interogatorio riba den sentido ku kimoterapia ta yuda si òf nò.

Diferente publikashon ta pone duda den efektividat di kimoterapia. Riba retnan sosial tin masha diskushon riba e método aki.

Manera nos a informá, Cijntje a ousentá su mes for di Staten pa sigui un tratamentu avansá na Kòrsou i despues na Ulanda. Papiando habrí riba e asuntu aki, Cijntje a bisa ku el a nota den promé instansia ku tabatin un klir bou di su brasa. “Dos aña mi a kana kuné i mi a pensa ku despues ku lo mi laga dòkter kòrt’é. Mi tabata wak skèdjel di reunion di Staten pa mi bai dòkter. E kos a dura basta tempu. Despues di un biopsia, dòkter a bisa mi ku ta trata di un klir maligno. Un onkólogo a bisa mi pa bai e seshonnan di kimoterapia. Despues mi a sigui ku un tratamentu mas avansá na Ulanda. Mi a kaba na Ulanda ku un stamceltransplantatie i mi a rekuperá hopi bon. Mi ta kere si ku ta un milager a sosodé. Mi a nota ku tur kos ku a pronostiká pa mi, mi a logra mas mihó. Físikamente mi tabata den bon kondishon. Na lugá di keda 6 siman, mi a keda 3 siman. Mi kasá a yuda mi hopi bon na Ulanda entre otro ku kuminda. Ora bo ta haña kimoterapia bo ta haña bo hopi nousea, gana di arohá. Bo ta siña sa kiko ta malesa di kanser i bo por papia riba dje”. Segun Cijntje, tin hopi idea eróneo riba kanser. Onkólogonan mester laga e hendenan ku a pasa den e prosesonan aki konta nan historia di manera ku e tabú ta kita for di komunidat.

Pa loke ta tratamentu ku kimo, Cijntje ta bisa ku fervor ku e sistema aki ta yuda. “Tin hende ta rekuperá ku kimo. E malesa di kanser awor aki e chèns pa bo sobrebibí ta hopi grandi. Antes 80 porshento di hende tabata fayesé, pero awor aki e ta 50/50”.

Pa loke ta trata e insidensia di kanser na Kòrsou, Cijntje a bisa ku ta mundialmente e fenómeno ta remarkabel. Komo ku nos komunidat ta mas chikitu, nos ta tende mas di hende ku a fayesé di kanser pero poko di esnan ku a sobrebibí. P’esei mi ta bisa ku ta responsabilidat di spesialistanan i hendenan ku a sobrebibí pa nan papia mas riba nan kaso di kanser. Tin hende ta keda ku trouma i tin biaha nan no kier papia. Nos no ta tende nada di esnan ku si a sobrebibí, asina e ta bisa.

Cijntje a rekuperá ku awor aki e ta riba lista di Pueblo Soberano pa e próksimo elekshon. Su malesa sinembargo a pone ku el a disidí pa bira lider di e partido, siendo ku hopi tabata konsiderá ku e tabata e prens heredero di Helmin Wiels. Mac Cijntje ta na number 2 riba e lista di elekshon di djabièrnè otro siman.

Bron: Extra

Dit artikel is geplaatst in

Geef een reactie

Vul alstublieft uw commentaar in!
Vul hier uw naam in

Zoeken

Recente reacties