28 C
Willemstad
• woensdag 22 mei 2024

Extra | Journaal 17 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, May 16, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 16 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Wednesday, May 15, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 15 mei 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Tuesday, May 14, 2024

 Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Archief: GOBIERNUNAN DI ANTIA I KORSOU TA FIRMA PROTOKOL PA INTEGRASHON DI SVB I BZV

HomeNieuwsArchief: GOBIERNUNAN DI ANTIA I KORSOU TA FIRMA PROTOKOL PA INTEGRASHON DI...

GOBIERNUNAN DI ANTIA I KORSOU TA FIRMA PROTOKOL PA INTEGRASHON DI SVB I BZV

Friday, 03 April 2009

WILLEMSTAD,- Minister i Diputado di Salubridat Públiko, Omayra Leeflang i Humphrey Davelaar, a firma un protokòl pa integrashon di Banko pa Seguro Sosial (SVB) i Büró pa Provishonnan di Gastunan Médiko (BZV).

Tabata iróniko pa tuma nota ku Victor Monk, kende ta un di esnan ku di parti di BZV a traha duru riba e parti preparatorio di e integrashon ku a inisiá for di 2007 no tabata presente ayera den sala di reunion di Konseho di Minister djaweps 2 di aprel momento ku firmamentu di e protokòl a tuma lugá. Ku e integrashon di e dos entidatnan aki ta spera ku ta krea un ekonomisashon den gastu di por lo ménos NAf. 15 mion pa aña. Esaki ta un ekonomisashon riba tur tereno, pues kompra di kuida, gastunan atministrativo etc. direktor di SVB, Philip Martis a duna di konosé.

El a basa su mes riba kalkulashonnan hasí den pasado ora Leeflang i Davelaar a menshoná vários aspekto di benefisio ku e koperashon lo por trese kuné. Un di e aspektonan aki ta ku ta yega na uniformidat den tarifanan i un solo pakete di seguro médiko pa tur esnan sigurá. “Dor di efisiensia por yega na bahamentu di gastu i tambe por sinkronisá e paketenan di seguro i hasi areglonan uniforme. Den tur sentido e integrashon aki tin benefisio”, Leeflang a bisa. Alabes ta evitá ku tin personanan dòbel sigurá i ku ta hasi uso di burakunan den e sistema, di akuerdo ku e minister.

Davelaar di su parti a mustra ku a disidí ku no ta warda te ora ku pais Kòrsou ta un realidat, pero a kuminsá awor di moda ku por kuminsá haña e benefisionan for di awor. Segun Davelaar e integrashon ta bai tin hopi benefisio pa komunidat manera un pakete básiko pa seguro médiko i un manera mas efisiente pa paga gastunan di kuido médiko. SVB i BZV huntu tin alrededor di 80 porshento di e poblashon kurasoleño sigurá pa gastunan médiko i e ophetivo ta, esta Davelaar, pa yega na 100 porshento.

Pa lokual ta uniformidat den tarifanan i tambe e pakete di seguro pa tur asegurado. Leeflang a bisa ku mester yega na un kaminda mei mei. “Nunka ora dos partido bini huntu no por bisa ta régimen di esun partido so ta konta. Ta trese nan huntu, ‘shake it up’ i yega na algu mas mihó balansa”. Davelaar a añadí bisando ku Kòrsou a indiká na gobièrnu di Antia ku e isla ke yega na un Seguro di Malesa General (AZV), pues un pakete básiko ku por sera un seguro komplementario riba dje. “No por bisa ainda kiko e pakete ta kontené pero ya kaba SVB mes ta hasiendo trámitenan pa amplia su pakete. Ora t’asina leu ta anunsiá kiko e pakete básiko ta”. Leeflang i Davelaar a enfatisá ku ta garantisá tur kupo di trabou aktual tantu na SVB komo BZV.

Foto | …Momento ku Minister Omayra Leeflang i Diputado Humphrey Davelaar ta den sala di reunion di Konseho di Minister ta firma e protokòl pa integrashon di BZV i SVB…

Bron: Archief Extra

Met dank aan Omayra Leeflang

Dit artikel is geplaatst in

Geef een reactie

Vul alstublieft uw commentaar in!
Vul hier uw naam in

Zoeken

Recente reacties