WILLEMSTAD – Kontinuando ku e kaso di ladronisia ku violensia ku morto, ku a tuma lugá Djaweps, 9 mei 2013, (komunikado di prensa 273/2013) Kuerpo Polisial Kòrsou ta manda imágen ku e meta pa haña informashon riba identidat di e sospechosonan. Nos ta manda un atvertensha na tur persona ku e imágennan aki ta kontené aktonan agresivo i pa tuma e prekoushonnan nesesario pa entre otro ku menornan di edat pa nan no wak esaki.
video by: Notisia360
Polis ta súplika tur persona ku ta kere ku nan tin informashon riba e kaso di ladronisia ku violensia ku morto aki, pa pasa e informashon pa polis. Por yama Atrako tim na 866-6192/ 866-6140 òf tambe por yama na 911 durante di 24 ora, òf e number anónimo 108 na unda bo anonimidat ta garantisá.
