Atardi 22 di Aprel último riba e plataforma di Pueblo organisá pa “Pro Pueblo” Sra. Maria Liberia Peters a tene un diskurso riba e importansia di un VDC konfiabel, ku no ta e kaso bou di e gobièrnu aktual. Sra. Liberia Peters a haña un “Staande Ovatie” pa loke e la bisa e dia ei. Ta straña nos ora nos a tende ku Sra. Peters a bira parti di un komishon di hustamente e gobièrnu aktual ku a hinka e servisio aki den un “Spotlight” sumamente negativo, ku nan akshonnan poko transparente pa loke ta: 1. envolvimentu di un kompania priva lokal den asuntunan di VDC i 2.Stranheronana di Colombia, ku te ku ayera, niun hende no tabata sa kiko nan a ,bin hasi den VDC. Pa e pueblo, Sra. Liberia Peters lo tin di splika, kon, ku e gobièrnu ku tabata tin e hoodrol den hinka nos siguridat nashonal den peliger ku su aktuashon deskabeyá den VDC ta den semehante komishon. Pro Pueblo
5 Mei 2012
Eks minister President Maria Liberia Peters.