Opinie | Mas reglamento di pastechi den SSC

Opinie | Mas reglamento di pastechi den SSC[

Algun tempo pasa sra. Margit de Freitas a sali den publisidat splikando ku no tin mas sen pa por manda mas studiante studia den Region. Sra. de Freitas a bisa ku tin un difisit di alrededor di 4 miyon florin.

Den e mesun periodo ei e sra. De Freitas a kuminsa ku un trajektorio interno pa buska un hoofd pa e departamento ku ta atende ku studiamentu den Region.

Djaluna 5 di juni 2017 den ora nan di mainta a tuma luga un renion den secresia den vergaderzaal ariba den SSC den kual e hoofd di departamento di studia den region, ku ta sra Nayseline Jaminika a wordu presenta na e departamentu di studia den region.

Sra Jamanika ta wordu protega door di Sra Magrit de Freitas.
Ta tin diferente kandidato ku a solisita pa funshon aki ku mes of mas estudio ku Sra. Jamanika y sigur mas eksperensha den e ramo finansiamento di estudio.

A kuminsa aserka studiante nan ku a aplika e anja aki pa finansiamento pa Region kaminda ta pone nan na altura ku nan petishon nan ta “On hold”.

Esaki atrobe ta demonstra kon deskarado e sra aki ta. No tin sen pa manda studiante region pero si tin sen pa pone un hoofd.

A krea un departamentu apart pa regio mienstras tin un departamentu kaba ku ta otorga finansiamentu.
A separa regio for di tur otro departamento pa otro nan no mira kon ta kastiga e studiante nan lokal y esun nan hulanda.

Un ehempel ta, un studiante no por hanja sen pa su estudio si e NO firma su kontrakt, pero pa region Sra. De Freitas ta regel PASTECHI pa su hende nan kaminda e studiante di region ta hanja skol paga, ticket paga, sen di luna paga, SIN ku nan firma kontrakt.
Pa evita ku por mira tur e pastechi nan ku ta wordu parti den “region” a buta e kobransa di e debe nan di region den e projecto di kobransa di debe nan bieu.

Projekto kobransa debe nan bieu:

Di un dia pa otro sin solisitud interno, sra de Freistas a nombra su propio ruman muhe sra Altagrasia Vervuurt-de Freitas kordinado di e projekto aki. Mienstras ku pa e projekto aki kaba tin un konsultant externo sr. R. de Lanooi di DFS pa kordina e projecto kual ta faktura montante nan astronomiko na SSC.

Keda pendiente pa mas.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *