OM | Demanda 6, 6 i 5 aña prisòn, Fiskal a pida pa kita jet fo’i doño

Demanda 6, 6 i 5 aña prisòn, Fiskal a pida pa kita jet fo’i doño

Awe Korte di hustisia na Korsou a trata un kaso di Ministerio Públiko (OM) kontra 3 sospechoso. Nan ta 2 sospechoso di Turkia i 1 sospechoso di Korsou.

Nan a ser akusá dor di Fiskal di poseshon ku intento pa transportá 289 kilo di kokaina dia 30 òktober 2016. Nan a keda detené 4 or mardugá pa polis na altura di parkeerplaats di Hato.

Pa e transporte di droga e trio kier a hasi uso di un avion privá di pilot M.T. (52) ku ta 1 sospechoso den e kaso aki. Banda di e droga a konfiská den e kaso aki tambe un arma di kandela marka “Glock” ku 45 bala, maskará, sker pa kòrta heru, handschoen, un vèst i un zwaailicht oraño.

For di investigashon di polis a sali na kla ku e droga tabata destiná probablemente pa e siudat di Istanbul na Turkia. Esaki tabata sigun e “flightplan” e destinashon di e avion.
Fiskal a hasi demanda awe di 6 aña prisòn pa yu’i di Korsou E.J.W. (41) ku tabata un empleado na Hato, 6 aña pa pilot M.T. i 5 aña prisòn pa K.A. (54).

Tambe Fiskal a hasi demanda pa “verbeurdverklaring” di e arma di kandela ku munishon i di e jet di 2 motor ku 22 asiento marka Canadair 1989 ku registrashon N545SD ku ta pertenesé na un kompania di e pilot.
Aki 3 siman Wes ta duna su veredikto den e kaso aki.

Bron: Openbaar Ministerie

Een Reactie op “OM | Demanda 6, 6 i 5 aña prisòn, Fiskal a pida pa kita jet fo’i doño

  1. Konfiska hahahaaaaaaa wat kost die? Snel verkopen zodat leden van MFK die niet kan afpakken.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *