Komunikado di prensa i poster/flyer di Polis

GEZOCHT

 

‘Passantenonderzoek” den kaso di asesinato premeditá di Sr. Wiels Djadumingu 12 di mei 2013 for di den oranan di mèrdia te den oranan lat di atardi polis a hasi un asina yama ‘Passantenonderzoek’ den e área kaminda e asesinato di Sr. Wiels a tuma lugá dia 5 di mei último.
Un ‘Passantenonderzoek’ ta un investigashon kaminda investigadónan ta bai den un bario òf área determiná i ta plania adelantá kon ta komuniká i/òf laga preguntanan atras ku ta di importansia pa e investigashon ku ta andando.
Riba e foyeto ku a laga atras tin e preguntanan ei i tambe e numbernan di telefon ku por yama pa duna informashon. A skohe e área spesífiko i henter e bisindario pa hasi e investigashon(‘Passantenonderzoek’) aki pa e siguiente motibunan i metanan:

• Pa por trata na alkansá tur persona ku ta pasa den e área ei frekuentemente sea na pia òf den kualke vehíkulo i ku e dia ei por a mira òf tende algu;

• Pa alkansá e personanan ku tin kustumber di bai den e área ei riba e dia spesífiko;

• Pa alkansá e personanan ku tabata i òf ta frekuentá e área ei den e ora ku e suseso a tuma lugá;

• Pa motibu ku tin un kantidat di hende ku ta frekuentá e sitio riba djadumingu i ku tabata presente e dia di e suseso;

• Pa krea espasio i pa por haña tur otro informashon ku tin di haber ku e kaso aki.

Kuerpo Polisial ta gradisí tur ku a koperá i ku ta bai koperá pa asina por haña e informashon(nan) nesesario pa solushoná e kaso aki. Tambe medionan di komunikashon ku awe a duna espasio pa por a hasi e investigashon aki teniendo kuenta ku privasidat di tur hende.

Tep:  Polis ta súplika tur persona ku ta kere ku nan tin informashon riba e kaso di tiramentu aki, pa pasa e informashon pa polis. Kualke informashon ku bo tin ta bonbiní. Por yama 8666-124 (number di informashon pa e kaso aki) òf tambe por yama na 911 durante di 24 ora òf e number anónimo 108 (108 bo anonimidat ta garantisá).

Geef een reactie

Het e-mailadres wordt niet gepubliceerd. Vereiste velden zijn gemarkeerd met *