Onofficiële vertaling: Roulette met de Rechtsstaat | Karlijn Kuijpers
Platform voor onderzoeksjournalistiek Investico en de Groene Amsterdammer

Kòrsou den e merkado mundial di “online gambling” tin un ròl grandi, pero gobièrnu no ta tene niun sorto di supervishon. E sektor a bira un paraíso di refugio pa mafia, kriminalnan Ruso i labadonan di plaka. Amptenarnan ku ke regulá e nogoshinan di wega di plaka o aktivistanan ku ta mustra riba kosnan robés ta ser persigí o ta ser intimidá.

Na Augùstùs 2016 un hoben flaku ta baha for di su baiskel. E ta drenta den un kantor di wega di plaka na Catania, na oriente di Sicilia. Mitar minüt despues e ta pará afó atrobe. Un par di dia despues e mucja tei atrobé, huntu ku un otro mucha hòmber ku ta hunga ku un stapel di plaka di papel den su man. Nan dos ta drenta e kantor. Un ratitu despuesnan ta pará riba kaya atrobe, man bashí. E bohote di plaka a disparse.

Dos aña despues polis ta drenta den e kantor ku chaleko antibala i rifel di kaliber pisá. A bin sali afó ku e kantor chikí aki di wega di plaka ta un schakel den un nètwèrk grandi di labamentu di plaka di e dos clannan di mafia mas poderoso di Catania: famia Santapaola-Ercolano i e clan di Cappello. E 2 clannan ya tin desenia involví den nogoshi di droga, ekstorshon, asesinato i korupshon. Den e redada ei 28 hende ta ser arestá. Polís ta pone beslag riba 42 edifisio i 36 nogoshi , entre otro vilanan luhoso na kosta, un showroom di auto, un sportschool i un nogoshi ku ta hür jetski.

Via sigur 46 kantor di wega di plaka na Sicilia oriental ku tabata paresido di e cafénan di internèt di antes e dos clannan di mafia tabata laba, segun hustisia sigur desenia di mión di plaka kriminal.

Ku ayudo di diferente sitionan “online” di wega di plaka ku e clannan mes tabata tin den man, nan tabata simulá transakshonnan ku en realidat nunka a tuma lugá.

Nan tabata hasi manera nan tabata hunga plaka riba weganan di poker online òf via sportsbetting i nan tabata hasi komo si fuera nan a ser pagá pa weganan ku nan a gana. Den realidat no tabata tin wega di plaka real ta sosodé, pero tabata tin transakshon di gañagaña solamente pa por a etiketá e plaka komo labá, pues plaka no prosedente di krimen. Ora rechèrchinan Italiano a bai buska unda tur e plaka a keda, na a bin haña ku ta na Willemstad. E miones na plaka di mafia a bin sosodé ku por parti e sèn a ser labá via di njoybets.com, goldengool.com, betcom29.org i 30 otro sites di wega di plaka ku ta inskribí na Kòrsou.

Kòrsou, un pais di alrededor di 155.000 habitante parti di Reino Hulandés, ta ku su miles di casino’s online un partisipante di taya mundial pa loke ta wega di plaka online. Den e casinonan. Den e casinonan hopi biones ta pasa, i nan ta un puerto libre pa asuntunan finansiero ku no por soportá lus di dia.

E jèkpòtnan online sa ser usá dor di mafia, Rusonan kriminal i e baho mundo di den Haag ku via di wega di plaka online ta laba plaka kriminal.

Online casino’s ta mashinnan perfekto pa laba plaka, ta Fiod su konklyshon aña pasá. Bo ta depositá plaka pretu, di prosedensia kriminal, i asina bo “gana”, e plaka ku bo “kèsh out” a bira blanku. Serka e palasionan di wega di plaka online bo por paga ku rur tipo di moneda crypto i otro sistemanan di pago anónimo, lokw tq hasi wega di plaka online aún mas atraktivo pa transakahonnan di prosedente kuestionabel. Kriminalnan ta usa e-casino’s komo un tipo di banko tras di kortina kaminda nan ku nan por paga otro. Ta pesei e sektor ta hopi sensibel pa evitá sankshonnan paso bo por move plaka di un lugá pa otro, sin ser detektá.

Pa motibu di e riesgonan grandi aki den e sektor di wega di plaka, den mayoria di pais e sektor aki ta stringentemente regulá. Pero no na Kòrsou: aya e sektor ta move kasi kompletamente pafó di e bista di gobièrnu. No gobièrnu pero un man yen di nogoshinan privá ta desterminá ken ta ser atmití den e merkado. Kontra un pago di alrededor di sinku mil dòler pa aña nan ta proveé un suplisensia na negoshinan ku ke habri un kasino “online”. Gobièrno realmente no tin un idea ken ta operá e casinonan i kuantu plaka ta pasa via di e ‘site’nan di wega di plaka online.

Tanten ku Departmentu di Estado Merikano den un rapòrt resién ta atvertí ku bandanan kriminal di droga por hasi uso di sites di wega di plaka di Kòrsou pa laba plaka prosedente di krimen, i ku ta mira sites Kurasoleño di wega di plaka ta ser menshoná den kasonan kriminal Merikano, Italiano, Brazilero, Hulandés i Rusiano, te ku awor, te kaminda nos por a konstatá nunka un nogoshi di wega di plaka a ser persigí penalmente. E supervishon a ser hinká den man di un fundashon ku tin años ku no ta sòru pa “handhaving”.

E Platforma pa invistigashon sjournalistiko Investico, e programa di Radio Argos i De Groene Amsterdammer pa promé biaha spòtlait riba e sektor kuestionabel aki. Nos a invesrigá dokumentonan sekreto di gobièrno, via di lèkmentunan internashonal a mapa ken ta e doñonan di casinonan online i a investigá dokumentonan di kortenan stranhero ps mira kon kriminalnan ta hasi uso di websitenan di wega di plaka registrá na Kòrsou.

Nos a tene kombersashon ku mas ku 30 hende envolví ku e sektor i ekspertonan i nos a diskubrí ku e sektor di wega di plaka a krese bira muchu mas grandi ku e pais hoben i chikí por akapará. E interésnan ta asina grandi, e forsanan asina grandi ku ta e sektor di wega di plaka ta goberná na Kòrsou.

Amptenarnan ku ta purba pa regulá e nogoshinan di wega di plaka mihó, o aktivistanan ku ta tira lus riba praktikanan kuestionabel, ta pone traba pa nan, ta ser persigí den korte o ta ser intimidá.

Investico i Argos a papia ku un amptenar ku for di den añanan 90 di siglo pasá a purba di regulá e sektor di wega di plaka mihó, pero a ser menasá i a swr kitá for di e dossier. Nos a papia ku un amptenar haltu ku no a logra di regulá e sektor pa moribu di e lobby fuèrte di e nogoshinan den wega di plaka. I nos s papia ku un blogger i aktivista ku mester a “duik onder” paso e ta sinti su mes menasá, i kontra dje e nogoshinan di wega di plaka ta entamá kaso tras di kaso den korte. E kompania di wega di plaka Cyberluck a entamá un huisio sumario kontra di De Groene Amsterdammer pa motibu di e artíkulo aki promé ku publikashon pa via un hues traya di influensia, pero nan a pèrdè e kaso.

‘In naam der koningin!’ e preámbulo di e ‘Landsverordening buitengaatse hazardspelen’ ku a ser adoptá na Júni di 1993 na Willemstad. E lei, konteniendo solamente seis artikulo, ta e vlòt ku hinter e sektor di wega di plaka na Kòrsou, te dia di awe ta drif riba dje. I e lei ei no ta sirbi, ta loke John van Schendel, ta bisa ku tabata den añanan nobenta e wetgevingsjurist na e ministerio di asuntunan General na Kòrsou. ‘Ta e lei di mas mslu ku ami a yega di mira, kompletamente kontradiktorio ku reglanan básiko di demokrasia’. Ahinda, kasi 30 aña despues, ahinda e ta sint’e dwars.

Normalmente leinan nobo ta ser skibí dor di amptenarnan manera Van Schendel. Pero e biaha ski e no a bsi asina. Un miembro di parlamento di isla di Kòrsou a entregá e proposishon di lei sin ku e huristanan di e ministerio a mira algu di e lei ei. ‘si no nunka e lei ei lo no a mira lus di dia asina’, Van Schendel a remarká. E konseho ku ofisialmente mester duna konseho over di leinan nobo ‘ta haña ku e lei ta demasiado sumier i ta haña ku mester adaptá hopi na e konsepto, pa por sòru ku e nòmber di Kòrsou i di Antia, internashonalmente no sufri daño’.

Pero esaki no ta sosodé. 8 di Jüni 1993 e lei ta bira realidat!

For di e trmpu ei e sektor di wega di hazatd ta kasi sin regulashon. E lei no no ta bisa nada riba supervishon ni sankshon si no tene na regla, e lei no tin niun eksigensia pa ku operadornan di casinonan online, no tin ni un regla kontra labamentu di plaka i niun garanria ku e partisipantenan na e weganan ra ser trata na un maneta honesto. E uniko ekdigensia ta ku e kompania ku ke kuminsá ku un online casino mester pidi un permit pa esaki serla gobièrnu.

Rònt 1995, John van Schendel mester a kuminsá duna lisensia. E ta kòrda kon a pon’é bòu di preshon dor di Rei di number Robbie dos Santos. ‘Robbie a pasa serka mi na kantor ku dos wardaspalda harmá ku a posishoná nan mes na ambos banda di mi porta den e gang. Úniko kos ku mi mester a hasi ta tende. Mi tabata haña e insidente aki hopi intimidante, mi a sinti mi den un situashon di Gestapo e dia ei.’ Den dokumentunan di gobièrnu di e trmpu ei ta pará tambe ku polítikonan tambe tabata pone ‘preshon enorme’riba Van Schendel pa duna e pèrmitnan purá na TISS NV, un empresa ku na e momentu ei tabata ser manehá pa Gregory Elias, ‘e rei den e mundu di’. ‘Mi porta no a para ketu , telefòn tabata ring kontinuamente. Ministernan tabata ser pushá dor di amigunan i tabata puntra ami: “Hé John, e ta kla kaba?”’ Elias ta bisa awor den un reakshon ku TISS NV ‘nunka a pone preshón riba niun hende’ pa saka un vergunning. Kon ku para Elias su kompania, segun dokumentashon di gobièrnu, Elias su kompania tabata e promé un ku via “spoedprocedure” a haña un permít. A sigi un man yen di otro kompania ku tambe a haña un lisensia.

Un tempu kòrtiku despues un kos straño a sosodé. E nogoshi di wega di plaka di ‘rei di trust’ Elias ta puntra Van Schendel si nan por fia otronan nan lisensia , esaki dokumentashon di gobièrnu ta di e tempu ei ta mustra. E otro kompanianan lo por a start un “site” di wega di plaka sin un lisensia di gobièrnu. Nqn lo a operá ku un lisensia di gobièrnu pero ku un di un kompania privá. Van Schendel ta skibi na nòmber di Munister di Finansa un kontesta kontindente: ‘E Landsverordening vigente no ta duna e posibilidat di supdividí un permit, tq pará den un konsepto di un karta na Elias. ‘ Banda di esei Gobièrnu a tuma e posishon ku algu asina no ta deseabel.’ No ta posibel di verifiká si e karta ei na Elias realmente a ser mandá.

Pero pronto Van Schendel ta ripará ku un par di empresa ku lisensia a kuminsa hasi loke juist den e konsepto di e karta ta bisa ku no ta permití, ku ta e dunamentu di ‘sublicenties’ na otro kompania pa habri un online casino. I esaki ta sosodiendo te ku dia di awe.

Na e momentu aki ta solamente un par di empresa tin ofisialmente un vergunning di gobièrnu. Antillephone, Cyberluck i Gaming Services Provider ta brnde ‘sublicenties’ na empresanan ku ke kuminsa un casino online. Den un folder di e empresa Gamblingtec ta ser deskribí kon fasil esaki ta bai . Pa bo haña un lisensia imediatamente bo mester lamta un kompania lokal, irect een licentie te krijgen moet je een lokaal bedrijf opzetten, hür in management, tin poko hardware (servers) manda nan Kòrsou i bo por kuminsá. E gastunan? Sikumil dòler pa aña.

Esnan ku realmente ta gana bon sèn ku e sektor di wega di plaka online, no ta e ‘masterlicentiehouders’ pero e kantornan di trust. Pasombra si bo ke habri un casino online na Kòrsou banda di un vergunning bo mester di un kompania brievenbus Kurasoleño. Trustkantornan di Kòrsou ta manehá segun estimashonnan sentenares pa miles kimpaniananan brievebus ku ta hasi nogoshi di wega di plaka online, ku ta paga un 22.000 euro pa aña.

E start di wega di plaka online fin di añanan 90 tabata un eskape pa e sektor di trust. For di Segunda guera mundial e sektor tabata tin un posishon fuerte riba e isla. E konsepto ‘servisionan di trust’ – e sèt ùp i maneho di kompanianan pa klientenan stranhero – asta a ser inventá na Kòrsou. Nèt promé ku Segunda Guera Mundial Multinashonalnan msnera Philips, Unilever i Shell a move pa Willemstad, pa evitá ku nazinan por a konfiská nan. Nan tabata laga un notario Hulandés manehá nan kompanianan Karibense, ku despues a lanta e promé kantor di trust na Antia. Despuea di segunda guera mundial e Antillrnroute a sòru pa pan riba mesa pa e kantornan di trust.

Pero ora e ruta fiskal lukrativo a ser será na fin di añanan nobenta di siglo pasá e final di e sektor di trust tambe tabata mustra opvio. Pero e komienso di wega di plaka online a bin duna e sektor oportunidatnan nobo. Kuantu casino online tin na Kòrsou awor aki no ta konosí.

Desèmbwr ku a pasa minisyer di Finansa a hasi un yamada via Antilliaans Dagblad pa empresanan den e nogoshi di wega di plaka online pa boluntariamente enskribí nan mes den un database, pa asina gobièrnu ‘haña un muho bista di e sektor di wega di plaka online praktiká ku Kòrsou komo base’.

Den un reakshon e ministerio ta laga sa ku e database di empresanan ku ta den e nogoshi di wega di plaka online no ra traha ahinda pasó den ehekushon a bin poko retraso. Ministerio Públiko di Kòrsou ta kalkulá ku tin un mil sites di wega di plaka online ku ta operá for di Kòrsou, SER di Kòrsou ta kalkulá entre 700 pa nuebe shen empresa. Follow the Money anteriormente a skibi ku último 5 aña un 10 mil casino a bin ta operá ilegalmente for di Kòrsou.

Ku ayudo di un “web scraper”, un programa di kòmpiuter ku automatikamente ta kolektá websites, nos mes a konstatá i kompilá un lista di websitenan ku un suplisensia i registrá komo sites di wega di plaka. Nos abin haña mas ku sinku shen empresa ku huntu a bin ta operá mas ku 3 mil sites aktivo di wega di plaka, di kual un 1700 ku un vergunning i sobrá sin vergunning.

Ku ayudo di e lista aki, pa promé biaha por a mira kua sites di wega di plaka ta drai for di Kòrsou, i kua trustkantor i kua doño di lisensia ta liá ku kua site di wega di plaka.

Tòg ta kere ku esaki ta solamente un parti chikí di tur e sites-nan di wega di plaka ku ta opera for di Kòrsou: e lista ta konsistí di solamente sitionan di idioma inglés: in de lijst zijn enkel Engelstalige sites opgenomen. Pa hinka esaki den perspektiva: Malta un di e psisnan mas importante na mundu pa ku wega di plaka ta konta 201 rmpresa ku un lisensia pa ofresé e srvisio di wega di plaka.

Kuantu plaka ta pasa via e palasionan di wega di plaka online no ta konosí tampoko. E volumen di nogoshi hopi biaha no ta pasa via Kòrsou pero via empresanan anónimo na Inglatera, Irlanda òf Malta, i p’e motibu aki Kòrsou no sa presis e volumén di plaka ku ta pasa via di e casinonan Karibense. Pero lo e ta hopu si. SoftSwiss, ku ta operá mas ku 100 website di wega di plaka na Kòrsou, ta bisa ku su sites ta risibí na apuesta, tur luna 5 mil mion Euro – esaki ke mèn un total pa aña di 60 mil mion pa solamente un pida chikí di e miles di websites.

Mayoria di sites di wega di plaka for di nos database, ku nòmbernan manera beepbeepcasino.com, bonanzagame.com i bingofest.com, ta traha ku e lisensia di Cyberluck NV, un di e empresanan ku un lisensia di gobièrnu.

Ken ta doño di e kompania ku tin e “masterlicentie” ei no ta konosí. Cyberluck no ta kontestá nos preguntanan riba eaaki. Hopi sites di wega di plaka di Cyberluck ta enskribí na Landhuis Joonchi un villa grandi na Willemstad ku ta skondí den un mondi i un porta ku seguridat. E landhuis ei ta e kanror di e Rei di trust, Gregory Elias. Ta ser bisá ku Elias ta e persona mas riku di Kòrsou i a bira mundialmente konosí ora, na 2016, ela organisá un konsierto di Rolling Stones na Cuba. Den un reakshon e ta bisa ku e no tin niun relashon ku Cyberluck i e kantornan di trust envolví.

Trustkantoren ta sòru ku e real doñonan di e casinonan online ta keda unánime i e koriente di plaka invisibel. Ku ayudo di “leaks” internashonal for di pataisonan fiskal manera Panama Papers i Pandora Papers pa promé biaha poe a identifiká algun doño. Loke ta remarkabel ta ku nos a haña doñonsn Ruso, Ukraniano i Belaruso. Asina nos a dal den un tal Ilhar for di Belarusia ku un par di aña a traha kimo bewaker na un empresa agrario di Estado i drdpues tabata desempleá. E ta doño di e website realmoneyonlinepokies. Patse ku eal money e mes no tin, un aña promé ku ela lanta su nogoshi di wega di plaka e ta kore den Volvo 440 di 20 aña bieu i ta biba ku 3 otro persona den un apartamrntu pèrtá un 100 km pafó di Minsk. Segun un database ku a lèk di douane ku Repoeyeronan kolega for di Belarusia a mira pa nos, nunka e no a sali pafó di Belarusia.

Otro doñonan di casinonan online, riba promé bista tampoko no ta parse magnatenan di casino: un ta un kolaborador na un trustkantor Ruso, un otro ta biba den un kompleho di flèt dekaí den un suburbio di Sint-Petersburg, i un otro ta biba den sovjetblòk dekaí na e siudat oksidental Ukraniano Lutsk.no un kas típiko di un patron di wega di plaka.

‘Mi tin gana di por kontribuí ku un aporte pa drecha e imago di e sektor di wega di plaka, esaki Jamir Barton ta skibi ora nos pidié pa un entrevista.

Na e momento ei Barton ta presidente di Curaçaose Gaming Control Board, ku for di 2020 ta responsabel pa supervishon riba wega di plaka online. Promé ku 2020 no tabata tin niun instansha ku aktivamente tabata hasi supervishon. Den e-mails ku Investico tin, ministerio di hustisia di Kòrsou ta skibi ku e tarea ei na 2013 a ser traspasá pa ministerio di finansa. Pero e desishon ofisial riba esaki a ser tumá na 2019, i Finansa ta skibi fin di e aña ei, ku e ministerio no por hasi nada pasó Ministerio di Hustisia no a traspasá e dossiersnan.

Na 2020 ministerio di Finansa ta disidí di duna e supervishon na Gaming Control Board. Esaki ta un ‘fundashon di gobièrnu’ ku ta bòu di supervishon di un consultant, un fiskalista i un psikólogo.

Nos ta tin gana di papia ku Barton pa komprondé kon e fundashon aki por ehersé supervishon riba miles di sites di wega di plaka. Pero e ta bula pipa pa un kombersashon, i mayoria di preguntanan eskrito no ta ser kontestá. Gaming Control Board ta atmití si ku te ku awor nan no ta supervisá. E fundashon, ya mas ku dos aña ku ela haña e tarea di supervisá, ketu bai ta bezig ku traha beleid i reglanan, i no ta hasi nada, te dia e beleid ser establesé.

‘En prinsípio nos mes a ehersé supervishon último añanan’ Angelique Snel-Guttenberg a bisa, CEO di Cyberluck, un di e masterlicentiehoudernan, den un entrevista luna pasá. Gobièrnu no ta partísipe den esaki.

Segun SER di Kòrsou kos a empeorá di tal manera ku Kòrsou no ta ‘ser tumá na serio’ mas pa otro paisnan, i ku pa empresanan di wega di plaka a bira imposibel pa habri un kuenta na banko pa motibo di e riesgo grandi di labamentu di plaka. Nogoshinan den wega di plaka por akudí solamente serka entremediarionan di plaka ku ta menos stringente. Tanten hinter e pais ta sufri di e malreputashon di e sektor di wega di plaka. Kòrsou kada bes mas, ta ser ekskluí di e sistema di pago internashonal pasombra bankonan tin miedu di skandalnan pa motibu di labamentu di plaka.

Ya komo e sètùp di un casino por sosodé kompletamente fuera di bista di gobièrnu, i pasó un supervishon di parti di gobièrnu no ta èksistente, empresanan di wega di plaka Kurasoleño a bira un refugio, un eskondite pa kriminalnan.

Site-nan di wega di plaka Kurasoleño ta ser nombrá den kasonan kriminal den kortenan na Brazil, Merikano, Hulandés, Ruso i Italiano. Por ehèmpel ‘Haagse godfather’ i komersiante di droga Piet S. segun polís i hustisia ta tras di, na Hulanda e sportsbetting site edobet.com. Segun Ministerio Públiko S. a transportá hopi miles di kilo di droga pa Hulanda. Un par di hungadó di bala profeshonal di Sparta tabata tin akshon den e empresa di wega di plaka ei i e ex pròf Dirk Kuyt a ser tendé komo testigu den un investigashon penal, pasombra e tabata pusta frekuentemente via Kòrsou. Segun Algemeen Dagblad e tabata kobra su gananshi di wega di plaka den tasnan yena ku plaka kèsh ku ta ser entregá na un gasolinera.

Tambe mafia Italiano a bin konosé e kaminda pa Willemstad. Ora autoridatnan Maltese na 2018 kita e lisensia di un par di site di wega di plaka ku segun hustisia Italiano a ser usá pa laba plaka pa e ‘bas di basnan’ di e mafia Sicilianan, e websitenan aki a muda pa Kòrsou. E empresa tras di e sitesnan ta Riota BV. Na 2020 ahinda e tabata tin un par di website den aire.

E asosiashon di interés di e empresanan di wega di plaka Kurasoleño ta bisa den un reakshon ku e relashon entre kriminalnan i e sektor di wega di plaka ta ‘redu’. Segun e asosiashon ‘gobièrnu sa i ku permit e ‘masterlicentiehouders’ ta laga otro usa nan lisensia i e empresanan di wega di plaka ta bòu di supervishon stringente di e kompanianan privá’.

Trata di evitá ku kriminalnan ta involví, ta un punto di atenshon konstante pa e sektor.
E empresanan di wega di plaka ta bisa ku nan ta mèldu na Gaming Control Board kuantu sites di wega di plaka nan tin ta operá bòu di nan lisensia. E hurista John van Schendel ta mira loke ta pasando ku duele. ‘E ta meskos ku ora un barku, saliendo haf tin su kòmpas un grado mal kalibrá’ e ta bisa. Na final di e biahe bo por bin resultá sentenares di kilometer for di ruta.

Den trahamentu di lei ta meskos. Pa ami, e tempu ei tabata e ‘momentu pa a pone pia riba brek. Pero e kirso no a trese nada positivo’

Kon bini kos a sali for di man asina ei? Kon ún lei chikitu asina a bin desenboká den un industria di miles di mion, no regulá i no kontrolá? Esaki a sosodé pasombra mandatarionan ku k’era drecha e reglanan, renforsá e supervishon, òf aktivistanan ku kiera desenmaskará loke ta pasando tabata ser intimidá, tabata haña tegenwèrking òf tabata ser pesigui nan via Korte. Esaki a kuminsá kaba den añanan 90 ku John van Schendel. Ora e a bin ripará kon malu e lei ta hinká den otro, e ta skibi dirèkt un lei nobo pa koregí e fayonan. Pero esaki nunka a yega mas leu ku “tekentafel”, e ta bisa.

E konsepto di e lei a ser wanta dor di e minister, anto ei tur kos a kaba’

Ora Van Schendel a deskubrí ku e impresanan di wega di plaka ta bende “sublicenties”, algu ku nèt promé ela desaprobá, e ta tuma kontakto ku reshèrshí. Nan, segun Van Schendel, ke tira un inval serka e empresa di wega di plaka pa asina para e uso di sublicenties. Pero atróbe minister di Hustidia ta tira un palu den e wiel. E a duna preferensia na mantenshon di kupo di trabòu, Van Schendel ta bisa. Un ratu despues e dossier ta ser kitá for di dje. I asina e úniko bos krítiko den e ministerio a ser remové. ‘I esaki ta realmente hopi tristu.’

E sektor di wega di plaka den e añanan ku a sigui a sigui move gewoon, i Kòrsou a bin haña mas i mas krítika internashonal pa motibu di e riesgo di labamentu di plaka. Rònt di 2007 un hurista na ministerio di Hustisia ta trata atrobé di skibi un lei nobo. E ke keda anónimo pasombra e ta verwacht problema si su nòmber ser menshoná. ‘Nos kier a haña mihó kontròl di e sektor’, e ta bisa ‘i sòru ku e empresanan di wega di plaka no ser malusá pa labamentu di plaka òf finansiamentu di terorismo.’

Pero e amptenar aki tambe no a resultá. ‘E empresanan di wega di plaka a wanta e lei nobo. I nunka e no a materialisá.’ Na 2013 minister di Hustisia Nelson Navarro a hasi un intento nobo. E ta envoká un landsbesluit ofisial kaminda tin eksigensianan mas stringente, mihó supervishon i un prohibishon eksplísito pa ku sublicenties, ta reglá. Pero dos luna despues e besluit a ser retraé.

E motibu ofisial ta mustra den direkshon di un problema hurídiko: promé mester kambia e lei, i ta despues numa bo por drecha e reglanan di orden menor pa hisa e eksigensianan pa ku empresanan di wega di plaka. Pero e lei nobo lo no bin nunka. E úniko intento pa regulá e empresanan di wega di plaka mas stringente i para e sistema di sublicenties a ser mstá imediatamente.

Fin di 2019 tin un lei ku si a logra. E minister di Finansa ta pone hopi preshon riba parlamento: duna boso aprobashon na un sèt di lei fiskal, si no Kòrsou, pa 1 di Janüari di e aña nobo Kòrsou ta bai riba e lista pretu di paraisonan fiskal Europeo i tin e ora ei e menasa ku e sektor finansiero ta bandoná e isla. Den un prosedura super bruá, kaminds mayoria di desishon a ser tumá den e reces entre pasku di nasementu i aña nobo, parlamentu ta bai di akuerdo pa poko kambio grandi di reforma di e sistema fiskal.
‘Nos no tabata tin un bista overall riba kiko nos tabata vota’, un parlamentario ku e tempu tabata sostené e koalishon.

For di e tekstonan di lei por dedusí ku for di 1 di Janüari, 2020, brievenbusbedrijven no mester paga belastinf riba gananshi mas. Solamente ’empresanan residente’ tin di paga belasting. Minister di Finansa na un manera kasi no riparabel a hasi Kòrsou un Paraiso Fiskal pa empresanan di wega di plaka. Nan no tin di paga impuesro riba gananshi mas, pober Kòrsou no ta bai gana nada mas ku e industria aki di miles di miones.

Aprel di e aña aki nos drenta avion pa bai un destinashon sekreto pa bai topa e blogster i aktivista Nardy Cramm. E ta e as tras di Knipselkrant-Curacao.com, un website gratis kaminda e ta publiká mensahenan notisiero i blogs ku ta konserní teritorio Karibense.

E ta skibi hopi riba e sektor di wega di plaka, i ta esei ta e motibu ku nos mester a palabrá nos enkuentro na un logá sekreto. Cramm, ya tin años ta teme pa su seguridat i na 2017 Ministerio Públiko Hulandés a disidí di hinké den un programa ofisial di seguridat. Despues di un aña esaki ta ser deskontinuá: e menasanan lo a baha. Pero Cramm no ta konfia un ke otro ahinda.

E ta keda awor aki na un adrès anónimo den eksterior pasombra na Hulanda e no ta sinti su mes sigur mas. ‘Tabata tin hende ku ta sluip rònt di mi kas madrugá grandi, i mas ku un biaha mi a ser pushá for di kaminda na un manera sospechoso, i mi tabata ser menasá i intimidá na un manera, sistematiko. Mi tin hopi miedu ku e mes un kos ta pasa ku mi ku a pasa ku Helmin Wiels.’

Miembro di parlamentu i lider di e partido Pueblo Soberano 5 di Mei, 2013 tabata kana na e playa di Marie Pampoen, un par di kilometer for di Willemstad, ora dirigí a tira 9 bala den su direkshon. E polítiko popular a muri dirèkt.

Awor nuebe aña despues, te ahinda e asesinato no a ser resolvé. E sikario ku a tira, a ser gará, pero esun ku al final a duna e òrdu pa e asesinato te awe ahinda ta kana liber.

Riba e djasabra promé ku e asesinato, Wiels a duna un diskurso di dos ora rib YouTube kaminda ela akusá e sektor di wega di plaka di entre otro eskivá pago di belasting. E la anunsiá ku despues di wikènt lo e divulgá un ‘bòm’ tokante e sektor di wega di plaka. Kosnan no a yega dje leu ei. Den un memo interno di ministerio di Asuntunan Interno, ku nos a haña via di un petishon di WOB, ta pará ‘ku for di e investigashon kriminal a bin na kla ku personanan di e nivel mas haltu di polítika i sektor di wega di plaka ta involví.’ Blogger Nardy Cramm tin miedu ku e ta riba di un lista di morto.

Pa Cramm e problemanan a kuminsá na 2012. E muvhs di Frieland na e momentu ei ya tabata tin años ta biba na Kòrsou i ta traha komo investigador pa bufetenan di abogado. Den un di e investigashonnan ei ku e no por konta nos nada pa motibu di su geheimhoudingsplicht e ta dal den nogoshinan den online gambling. ‘Na e momentu ei mi no ta tin un idea kon grandi i peligroso e sektor aki tabata’, e ta bisa. ‘ Pero mi a ser menasá, i ser sigí, i tabata tin autonan pretu blindá dilanti mi kas. Mi a ser atvertí ku mi mester tene kidóu si mi mete ku ‘hende robés’. Mi a sinti ku algu tabata kompletamente robés, i a disidí di hui bai Hulanda.’ Dos luna despues Helmin Wiels ta ser asesiná.

George van Zinnicq Bergmann,, presidente di Curaçao Online Gaming Associatie, ta bisa den un reakshon ku w ta haña e kos hopi farfelu ku Cramm ta sinti su mes menasá. E ta rekomendá nos ‘pa investigá e kredibilidat di señora Cramm i su teorianan di kòmplòt’. Pone un relashon ku e asesinato di Helmin Wiels, e ta haña ta hopi doloroso i inrwsponsabel’. Ora Cramm nq 2013 ta yega Hulanda e ta keda nq kas di su mayornan na Friesland, i aya 3 ta kuminsa skibi pa Knipselkrant. ‘Mi tabata sintá na kas i q pensa ku ta bunita si por furnia hendenan na Kòrsou ku informashon independiente. Prensa liber na Kòrsou ta un kos difísil’. E promé añanan e ta tene su nes leu foe di e sektor di wega di plaka, pero último añanan den Knipselkrant mas i mas artikulo ta aparesé riba e sektor di wega di plaka: Cramm ta públiká artikulinan basta pika, envetigashon propio i rekortenan for di media Hulandés tokante di sites di wega di plaka na Kòrsou. E ta kategorisá e sublicenties komo ‘ilegal’ i ta deskribí Kòrsou komo un ‘witwaswalhalla’. Na e momenru aki Knipselkrant tin alrededor di bintimil lesadó tur dia, ora kos tabata bai bon, segun Cramm e site tabata tin mas ku shenmil lesadó. For di 2019 e tin un fundashon ku kual na nòmber di hungadónan di wega di plaka ku a ser perhudiká, e ta entamá kasonan den Korte kontra empresanan di wega di plaka na Kòrsou.

Per for di un aña i mei pasá ta hasi Cramm kasi imposibel pa publiká mas. E ta ser bombardiá pa dor di empresanan di wega di plaka i kantornan di trust ku na Kòrsou ta kuminsá kasonan den Korte kontra e, pone prohibishonnan di papia i eksihí dwangsommen di wèl shenmil euro. Empresanan a bin ta eksihí rektifikaahon di artikulonan di tin biaha años bieu i ta ksrga e ponensia ku ta inhustu pa yama sublicenties ‘ilegal’. E sektor tin e opinion ku sublicenties ta legal i ta referí na huresprudendia.

E abogado Hulandés di e empresa di wega di plaka Cyberluck, Bas Jongmans a lansa asta un site knipselkrantprocedure.com, kaminda e ta ofresé ‘esnan perhudiká’ pa Knipselkrant di ofresé asistensia hurídiko gratis. ‘Via Knipselkrant Nardy Cramm ta bisa kosnan fastioso di Kòrsou i su habitantenan’, Jongmans ta bisa den un blog. ‘Nardy ta parse semper tristu i rabiá riba tur koa i tur hende. I ta pesei ami ta ofresé tur hende na Kòrsou ku a ser perhudiká dor di Nardy i su Knipselkrant graris mi servisionan’. Jongmans a laga saka e website di Cramm su bufete di investigashon for di airu i a publiká riba knipselkrantprocedure.com e potrèt di e kas di su mayornan na Friesland. Jongmans ta bisa den un reakshon ku Cramm ta akusé inhustamente ku e ta traha pa personanan ku vinkulo ku organisashonnan kriminal, i ta laga sa ku su blog ta un blog ku tinta chistoso.

Ta un pregunta si Cramm serka un Hues na Kòrsou tin un chèns hustu pa defendé su mes. Un di e kasonan a ser tratá pa e Hues Kimberly Lasten. E a traha antes komo abogado pa empresanan di wega di plaka i a firma na 2014 sommaties i kartanan di daño perhuisio den un intento pa saka Knipselkrant for di airu. Ora kompanianan di wega di plaka, na 2021 a kuminsá ku un kaso kontra Cramm, ta Lasten komo hues mester a duna huisio riba e mesun Knipselkrant i a duna un sentensia na brnefidio di e empresanan di wega di plaka.

Segun e Europees Verdrag voor de Rechten van de Mens, ku ta konta pa Kòrsou tambe, huesnan mester “verschoon” nan mes si nan tin un konflikto di interés o si tin un apariensia di partidismo den wega. Esaki no a sosodé aki. Lastrn ta laga sa via di un komunikado di prensa ku e, den e kaso aki e no a mira un pakiko ku e mester a “verschoon” su mes, i ku e partidonan srmper por bai hoger beroep si nan no ta di akuerdo ku e sentensia.

Huea Lasten a skibi den e sentensia un opinion remarkabrl pa ku Cramm, ku Cramm ta suprayá ku sublicenties ta legal, algu ku hustamente a bin ta batayá en kontra. E srntrnsia aki, awor ta ser usá den otro kasonan den Korte pa fòrsa Cramm pa rektifiká. Cramn a bai den hoger beroep, pero tin ya mas ku un aña ta warda pa haña un veredikto.

Den otro kaso Korte ta ninga di bisa Cramm kua ta e huesnan ku lo trata su kaso, pasombra esaki lo ta un “kos interno”. Segun e kodigo di komportashon di sistema hudisial i e “Europees Verdrag voor de Rechten van de Mens”, nòmber di huesnan srmper mester ser anunsiá adelantá. Ora a bai puntra, Korte a bisa ku esei tabata un fayo chikí. Mientras tantu Cramm tin tres huisio sumario trai lomba, di kual tur tres ela pèrdè. Ku un di e verediktonan di Kòrsou e empresa di wega di plaka Cyberluck via e abogado Jongmans i un deurwaarder Hulandés a laga pone beslag riba kuentanan bankario Hulandés di Cramm pa kasi shenmil Euro. Desèmber ku a pasa, Hues a disidí ku nunka mas Cramm ti mag di publiká ku e kompania di wega di plaka Cyberluck ta ofresé sublicenties ilegal, ku un dwangsom di mas ku 21.000 euro pa dia.

Atrobe Cramm a bai den hoger beroep, pero tanten ku e huisio sumario a ser di plan den un par di siman i a sosodé, e ta wardando te awe riba e veredikto den apelashon.

I esaki ta sigi. Luna pasá Cramm mester a lesa den korant ku atrobe un kaso nobo den Korte lo ser entamá. ‘”Class action” kontra Cramm/Knipselkrant’, e Titular den Antilliaans Dagblad ta mustra. E ‘class action’ aki ta ser hibá pa dos trustkanroor i e kompania di wega di plaka Cyberluck. E empresanan ta eksihí un dwangsom totaal, di kasi 1.3 mion euro. Cramm ta bisa ku e no por paga un abogado, pasombra den huisionan anterior a vris tur su kuentanan di banko. ‘Nan ke kibra mi’, e ta bisa. E kasonan den korte ta sominá tur kos, w ta un eksperiensia hororoso.

Entretantu mi por hunga un wega di kwartet ku e kantidat di sommaties, i mi ta sinti mi kompletamente bandoná/isolá. Esaki ta eksá, ktamente e strategía Matthew Caruana Galizia ta bisa. E ta un aktivista pa libertat di prensa for di tempu ku nan a asesiná su mama Daphne Caruana Galizia na 2017 na Malta dor di un autobòm. Daohne tabata ub vlogger, ku tabata skibi riba kosnan robés den e sektor di wega di plaka na Malta, i al final a asesiné riba órden di e casinobaas di mas grandi di e isla, pasombra ela haña sa di dealnan korupto den sektor di energia. Na momentu ku ela ser asesiná tabata tin 46 kasonan den korte kontra e.

E tipo di kasonan aki den Korte ta isolá hende ku ta trese kosnan ku no ta bon den lus di dia, eksaktamente loke a pasa ku mi mama, Caruana Galizia ta bisa komo reakshon riba e prosedura kontra Cramm. Hendenan ku saku hundu ta destruí e individuo ku ta pidi responsabilidat. Esaki sigur ta konta pa paisnan chikí manera Malta òf Kòrsou nan ta vulnerabel pa esaki. Ku e tipo di kasonan aki, no solamente e derechonan humano di Nardy Cramm ta ser violá, hinter un pais ta ser privá di akseso na informashon.
E idea ta pa restringí/mata e debate públiko.

Cyberluck ta ninga ku e kasonan den korte kontra Cramm tin komo meta pa distruí e òf sòru ku e no por skibi kos krítiko tokante di Cyberluck i e industria di “gaming”. Cyberluck ta bisa ku e ta bringa e ekspreshonnan ku métodonan den Korte legal.

Riba 10 di Òktober, 2010 e bandera di Antia Hulandés ta ser bahá pa último biaha, doblá bunita asina i entregá pa último biaha na e último minister-presidente di Antia. Ku un gran aplauso i hubileo e bandera blòu ku dos strea blanku a ser hisá te na tòp di e pal’i bandera: e bandera di e pais nobo Kòrsou. ‘Biba Kòrsou!’ Bo ta ten. Kòrsou a bira un pais outónomo.

Hulanda ta hasi uso di e okashon ku Antia a kai for di otro na ’10/10/10′ pa ehersé mas influensia riba e Estado di Derecho na Kòrsou, Aruba i Sint Maarten. Pa motibu di nan tamaño chikí – Kòrsou ta mas o menos mes grandi ku munisípio Maastricht – e paisnan nobo ta vulnerabel pa korupshon i polítika di ‘friends & Family’. Hulanda ta bira ko-responsabel pa Estado di Derecho, pa kimbatí labamentu di plaka i kriminakidat pisá, i tambe institutonan manera Korte, Ministerio Públiko i polís, e paisnan ta palabrá esaki tur den leinan di konsenso di Reino.

‘E ròl mas fuerte di Hulanda ta importante pa e protekshon di derecho di e siudadano na Kòrsou’, esaki emeritus profesor di historia kolonial i postkolonial Gert Oostindie.

Masha poko no ta trata di protehá siudadanonan kontra nan mes polítikonan.’ Nèt e balornan i institutonan ku Hulanda ta ko-responsabel pe, ta tambaliá bòu di d preshón di e sektor di wega di plaka, i esaki ta tantu un problema pa Kòrsou komo pa Hulanda. Pero den un telaraña di responsabilidatnan kompartí kriminalnan fasilmrnte ta slep pasa den e burakunan di e nèt.

Ta responsabilidat di Kòrsou su gobièrnu pa adaptá e leinan pa empresanan di wega di plaka i sòru ku ta bin supervishon. Esaki ya 30 aña no a sosodé, i Hulanda ta pone oreshon, pero no por enforsá nada. Tanten Ministerio Públiko tampoko no ta intervení. Ministerio Públiko no ke hasi nada, tantrn e reglanan i e supervishon no ser drechá bo por lesa den un karta di 2017. ‘Aunke ta Ministerio Públiko ta e instituto korekto pa hasi investigashon kriminal na Kòrsou, nos ta kere ku no ta korekto oa usa derecho penal pa yena e falta di regla i regulashon, ta loke e Fiskal di Kòrsou ta skibi. Fin di 2021, kasi sinku aña i diferente kaso penál den eksterior despues, ahinda Ministerio Públiko no ta haña su mes kompetente pa persigí empresanan di wega di plaka.

Den un despacho ofisial den man di Investico, Òfisir di Hustisia ku ‘ersigishon penal di emoresanan den online gambling ta un materia kompleho. Pa motibu di e compleksidat mester ser investigá si, i kua ròl derecho penal por hunga òf por bai hunga den e materia aki.’ Te ku e trmpu ei Ministerio Públiko no pir entamá niun investigashon penal, officier di hustisia ta skibi.

Lo aktual ta ilustrá e relaahon delikado entre Hulanda i Kòrsou, profesor Oostindie ta bisa. ‘Si Minusterio Públiko ta buska e límite, esaki ta ser interpretá komo algu di politika i ya fasilmrnte ta pone komo un akto neokolonial. Pues, Ministerio Públiko semper lo bisa: si nos tin di tackle e sektor di wega di plaka, bab hasi algu ku e reglanan.'” Minisyerio Públiko no ta reakshona riba preguntanan di wederhoor. For di 2020 Hulamda ta purba, kada bes ku mas insistrnsia, di kambia e reglanan di e sektor di wega di plaka. Ora e viro di Corona a pone mundu plat, Kòrsou ta kai imediatamrnte ta kai den un krísis ekómomikio, Hotèlnan bashí. Turistanan no ta keda kas, i w pandemia ta menasá di hiba e isla den bankarota.

Hulanda ta bin ku un reskate via fiansanan di un mintante di mas ku kuatershen mion, a kambio di mas influensia ‘riba e isla. Un di e kondishonnan pa e fiansanan, ta ku Kòrsou tin di traha un plan pa modernisá i reformá aektor di online wega di plaka. Metementu di Hulanda ta kondusí ku ministernan di Kòrsou ta rabia mashá, i ta akusá Hulanda si neokolonialismo. Hulanda ku Kòrsou tin ya lunas den un pelea kon presis e plannan mester ser ehekutá: Hulanda ke fòrsa kosna., Kòrsou ta ninga esaki. E adaptashonnan den e sektor di wega di plaka no ta lantando realmente riba pia.

E minister a laha sa Desèmber ku a oasa ei den Antilliaans Dagblad ku ‘un di e prioridatnan ta pa e manera di haai nogoshi di empresanan di wega di plaka ku tin un lisensia di gobièrnu pa sòru ku esaki ‘ta ser salbaguardiá’.

Profesor Oostindie ta suponé ku Hulanda lo no stòp di intentá di reformá e sektor di wega di plaka. E pregunta ta keda si, ku persistensia só ta basta. ‘Den añanan ochrnta Kòrsou tabatq tin un un sektor finansiero enorme. Ora a lanta e sospecho di eskivashon fiskal i labamentu di plaka di nogoshi di droga, Hulanda a pone preshon enorme riba e islanan, tanten e sektor finansiero na Hulanda por a sigi krese trankilamente. Esaki, na Kòrsou a ser mirá komo irazonabel. E ta bon ku Hulanda awor ta bisa ku mester afrontá e sektoe finansiero. Pero si bo ta serio, bo mester hasi esaki den bo propio pais tambe.

Dit is een globale vertaling van ‘Roulette met de Rechtsstaat’ https://www.platform-investico.nl/artikel/roulette-met-de-rechtsstaat-geannoteerd-verhaal/ en https://www.groene.nl/artikel/roulette-met-de-rechtsstaat.

Lesa aki de originele en geannoteerde versie met bronvermeldingen

Bron: De Groene Amsterdammer

Naschrift KKC

De context van bovengenoemd artikel vindt u terug in de navolgende reeks van artikelen en podcasts van platforum voor onderzoeksjournalistiek Investico, weekblad de Groene Amsterdammer en radio-omroep Argos (VPRO-Human):

1. Explainer VPRO-Human (video): ‘Hoe Curacao een gokstaat werd’ (link: https://www.vpro.nl/argos/media/luister/argos-radio/onderwerpen/2022/Curacaos-roulette.html)
2. Investico: Roulette met de Rechtsstaat https://www.platform-investico.nl/artikel/roulette-met-de-rechtsstaat-geannoteerd-verhaal/
3. Investico: Hier vindt u de documenten over de Curacaose online goksector https://www.platform-investico.nl/artikel/vind-hier-de-documenten-over-de-curacaose-online-goksector/
4. Investico: Roulette of Law (Engelse versie) https://www.platform-investico.nl/artikel/roulette-of-law-annotated-version/
5. Investico: Russische, Oekrainse en Belarussische eigenaren achter Curacaose online casino’s https://www.platform-investico.nl/artikel/russische-oekraiense-en-belarussische-eigenaren-achter-curacaose-online-casinos/
6. Investico: Curacao schafte belasting voor brievenbusbedrijven af https://www.platform-investico.nl/artikel/curacao-schafte-belasting-voor-brievenbusbedrijven-af/
7. Trouw (voorpagina): Curacao loopt belasting mis door snelle wet (PDF)
8. De Groene Amsterdammer: Roulette met de rechtstaat (PDF) en https://www.groene.nl/artikel/roulette-met-de-rechtsstaat
9. Podcast Argos/Investico: https://www.platform-investico.nl/artikel/online-casinos-de-perfecte-witwasmachines/
10. Podcast Argos/Investico Speurwerk op Spotify: https://open.spotify.com/show/7lKTVx35ZTkcepXCAHkaZ1
11. Podcast Argos op NPO Radio 1: Curaçaos roulette https://www.nporadio1.nl/fragmenten/argos/3adc60b4-16b7-4fae-9318-d4d9bf12cce6/2022-05-28-curacaos-roulette
12. Podcast VPRO: https://www.vpro.nl/argos/media/luister/argos-radio/onderwerpen/2022/Curacaos-roulette.html
13. VPRO – Human: In het land van de online casino’s controleert de goksector zichzelf
14. VPRO – Human: Curaçaose online casino’s blijken bezit van Russische eigenaren
15. Podcast Argos op Spotify: https://open.spotify.com/episode/2y6Nc4fNKlabM9ZSlCRC7h
16. De Groene Amsterdammer – Ruleta ku estado di derecho (niet-officiële Papiamentstalige versie): http://knipselkrant-curacao.com/groene-ruleta-ku-estado-di-derecho/