Graduashon Media School Curaçao

Graduashon Media School Curaçao

Graduashon Media School Curaçao ©2014 Tico Vos

Djadumingu anochi ultimo 24 di ougùstùs, Media School Curaçao (MSC) e tene graduashon di e promé grupo di studiante ku a finalisá nan estudio den media. Riba e dia aki un kantidat di 13 alumno a gradua, di kua 10 a risibí un diploma i 3 un sertifikado.

E anochi aki tabata unu historiko pa Kòrsou ya komo ku MSC ta e promé skol di media na Kòrsou di kua e promé grupo di studiante a gradua. Minister di Enseñansa, Siensia, Kultura i Deporte sra. Irene Dick, tambe a presensia e evento aki i a motivá e hobennan ku algun palabra.

Estudio den Media
MSC a ehekutá e proyekto aki en koperashon ku Sociale Vormingsplicht (SVP) speshalmente pa hobennan ku a sali for di e sistema regular di enseñansa por haña un di dos chèns pa hasi un estudio. Durante e periodo di nan estudio, e studiantenan di MSC a tuma lès riba varios area ku tin di haber ku produkshon den media manera saka potret, produkshon audiovisual, étika den media, diseño gráfiko i hopi mas. Kada alumno por a pone loke nan a siña den práktika den nan periodo di  stazje na diferente kompania, planta di televishon i radio emisoranan.

MSC Dia habrí
Media School Curaçao ta ofresé e oportunidat na e pueblo di Kòrsou pa sera konosí ku e skol via di un ‘Open Dag’ ku nan ta organisá riba 30 di ougùstùs awor di 2or pa 5or di atardi. Riba e dia aki, tur hende lo por eksplorá e diferente estudionan ku nan ta ofresé. Pa mas informashon, por yama 560-6611 òf por subi nan wèpsait www.mediaschoolcuracao.com.

Bron: ©2014 Tico Vos

Geef een reactie

Het e-mailadres wordt niet gepubliceerd. Vereiste velden zijn gemarkeerd met *