WILLEMSTAD. – Tabata 3’or di ayera mardugá ora ku Warda Kosta a para un lancha ku tabata nabegá pegá ku kosta na Playa Grandi. Riba e lancha tabatin dos persona, un kapitan i su ayudante.
Na mes momentu a lanta e sospecho ku e lancha aki lo mester a baha hendenan kaba na tera i a notifiká polis pa yega i kuminsá investigá den e área pa wak kiko por haña.
Mas lat den dia polis i personal di Warda Kosta a nota tres persona strañero ta kana den área di Groot Sta. Martha.
E tres persona aki a keda detené i tambe e dos nan ku tabata riba e lancha, i a hiba nan na ofisina di Warda Kosta pa despues entregá nan na imigrashon.
Bron: Extra