27 C
Willemstad
• maandag 4 maart 2024

Democracy now! | Tuesday, February 27, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 27 februari 2024

Elke werkdag het laatste nieuws van Extra, nu ook in het Nederlands. Bron: Extra

DH | Fire breaks out at Geminga boatyard in Sandy Ground

MARIGOT--St. Martin firefighters (pompiers) intervened Saturday night to extinguish a fire that broke out in a 200-square-metre shed in the Geminga boatyard in Sandy Ground. According to...

CN | Gokkers starten rechtszaak tegen Stake

Jeffrey Noeken | Casinonieuws.nl Een vijftal gokkers is op Curaçao een rechtszaak gestart tegen het gokbedrijf Stake. De gokkers willen het geld terugkrijgen wat zij vergokten omdat het...

Democracy now! | Monday, February 26, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 26 februari 2024

Elke werkdag het laatste nieuws van Extra, nu ook in het Nederlands. Bron: Extra
- Advertisement -spot_img

Extra | “Tur hende keda trankil: miembronan nobo di Staten lo hura”

HomeMediaExtra | “Tur hende keda trankil: miembronan nobo di Staten lo hura”
“Tur hende keda trankil: miembronan nobo di Staten lo hura”

WILLEMSTAD.- Sra. Suzy Camelia-Römer, minister di Tráfiko, Transporte i Planifikashon Urbano, ta pidi tur hende pa keda trankil. “E miembronan di Staten ku ta pendiente pa hura, lo hura. Riba esei no tin ningun duda.

No por stroba miembronan nobo pa hura despues ku aprobá nan kredensialnan. Semper tabata un kustumber den 60 aña di tradishon parlamentario na Kòrsou, ku esei a tuma lugá”, asina e mandatario ku ta un hurista ta bisa.

E mandatario a bisa ku si oponé kualke akto di huramentashon tin kamindanan otro pa atendé e kredensialnan aki. E mandatario no a splika kua kaminda otro por kana.

E minister ta ninga di papia di un krísis konstitushonal, palabra ku a kai na diferente okashon e siman aki. Ekspertonan konstitushonal tur ta di akuerdo ku no por papia di esei.

“Nos a skohe den koalishon pa sigui e manera normal pa atendé ku e miembronan nobo ku mester sinta. Dia ku Gerrit Schotte a drenta último aki, koalishon no a forma un moketa pa bisa ku no ta lag’é drenta. E ta elegí i por lo tantu un representante di pueblo. Ta un kustumber ku parlamentario ku ta kontrolá su kredensialnan pa despues e hura normalmente. I esei ta loke a tuma lugá. Awor aki ta bòltu e situashon un poko ku diferente análisis na lugá di wak kiko ta kustumber parlamentario. Ta krea un problema ku no tei”, asina e minister a remarká.

Segun e minister, e no ta spera otro ku tur miembro ta koperá pa e miembronan nobo drenta Staten. “Ta ilógiko ku ta sekuestrá un pais, basha gobièrnu abou i traha bo mes gobièrnu ku 8 asiento. Ta 21 asiento Staten tin. Asina tabata tur tempu. Kualke otro pensamentu ta anti-demokrátiko”, asina e minister a bisa.
E minister a ripití ku ta pueblo ta skohe su representantenan.

Polítikamente a tene kuenta ku tur situashon ku por presentá. “No mester wòri ku esei. Lo bai tin un mayoria normal i nos tin gobièrnu. Pero mi ta preokupá ku e pensamentu ku 8 hende ta pretendé di stroba 7 hende di droga. Tur tempu tantu koalishon i oposishon a koperá pa miembronan drenta. Mi pregunta ta si nos kier bira un komunidat kaminda 8 hende ta stroba 7 miembro, skohe pa pueblo, drenta parlamento”, asina e minister a bisa.

E reunion pa aprobá e kredensialnan di 7 miembro nobo ta programá pa djabièrnè otro siman. E miembronan ku ta na turno pa drenta ta Henny Reinillia di PNP, Curtley Obispo i Steven Walroud di PAR, Gassan Dannawi i Yael Plet di Partido MAN i Melvin Cijntje i Sherwin Leonora di Pueblo Soberano.

Bron: Extra

Dit artikel is geplaatst in

4 reacties

  1. Sigun mi, nos Minister di VVRP ta purba “trolling”. Di un mandatario bo ta verwagt ku e ta duna un bista den kua direkshon e gobiernu ta of tin pensa pa bai. Ta komprendibel ku e Minister di VVRP no por sali i kritika su partner den koalishon. Toch, ku e experensia ku e Minister tin e ta por a “spin” e asuntu aki na un manera otro. Ta riparabel, den e proseso di formashon di gobiernu i e passonan pa e kabinete Koeiman kuminsa goberna, ku e resultado di e elekshon ta algu ku MAN no a konsidera i no a prepara pe. Anto si nan ta sigui asina, marea un siego ku ta buska su kaminda ku su ‘mannan’, pronto (termino korto) Korsou lo tin elekshon atrobe. Aktualmente e basis pa goberna ta hopi smal. P’esei nos Minister VVRP no mester duna opposishon kuminda. Pa PNP mes un elekshon nobo por resulta otro for di esun tras di lomba (aunke nos lo tin un ‘police academy’). Lokual nos Minister a hasi ta kontribui na e polarisashon politiko ku ta dividi nos kommunidat. Su splikashon den prensa no (t)a yuda e koalishon i Korsou ku nada! Su miembro di partido (voorzitter di Staten) a neutralisa e asuntu. Laga bai! Of e Minister kier a demonstra (na un manera hopi straño) ku frakshon i mandatario di PNP si ta “riba un linea”?

  2. Totalmente di akuerdo ku @Hoedanook. Henter e problema aki a kuminsá den MAN ku nan posishon di imponé un “regla” ku ta kontradiktorio na lokual ku ta legal, o sea na loke ta pará skirbi den lei. Segun sr. Koeiman, nan kier a duna un ehèmpel. Na lugá di esaki mas bien nan a duna un ehèmpel di kon ta pega barku.
    Ku e pia ku e gobièrnu nobo aki a kuminsá ku’né, ta parse di ta baendo den direkshon di un “crónica de una muerte anunciada”.

  3. PNP ta un partido politico ku hopi aña de experensia. P’esei e voorzitter di Staten di PNP, sigun lei i kustumber parlamentario, a aktua korekto i a neutralisa pa e 8 miembro di Staten por stroba miembronan nobo pa drenta. Pero e Minister di PNP mester ta korekto si den su análisis di e situashon. E problema tin su origen den e partido di nos Prome Minister, MAN. MAN kier a aplika un sistema otro for lokual ‘Hoofdstembureau’ ta usa. Hoofdstembureau ta sigui e sistema ku lei ta preskribi. I aunke nos Minister di VVRP ta bisa ku despues di huramentashon “Lo bai tin un mayoria normal i nos (lo) tin gobièrnu, e no por garantisa esaki. Si MAN no por resolve e problema interno ku e tin ku su manera pa eligi miembronan nobo pa su frakshon den Staten, e gobièrnu por haña su mes ku otro sorpresa. P’esei, nos Minister (i otro miembronan di koalishon) mester dirigi su (nan) mes principalmente na MAN pa Korsou tin un gobièrnu ku ta gosa di sosten di un mayoria den parlamento,

Geef een reactie

Vul alstublieft uw commentaar in!
Vul hier uw naam in

Zoeken

Recente reacties