WILLEMSTAD.- Ministerpresidente di Kòrsou Eugene Rhuggenaath ta splika ku Kòrsou, ku yudansa for di Aruba i Sint Maarten, ta den un trayekto pa reforsá Veiligheidsdienst Curaçao, ku ta VDC. Rhuggenaath a splika ku aña pasá a forma un tim di maneho ku tin komo meta pa konstruí e kapasidat di VDC.
‘Tur desaroyo ku ta tuma lugá awor, ta kai bou di guia di e tim di maneho’, asina Rhuggenaath a splika.
Segun minister-presidente na e momento ei no tin niun direktor di VDC. Den práktika e presidente di e tim ta funshoná komo direktor di VDC. For di 2010 situashon ta tenso den VDC. Segun e gobièrnu den e tempu ei Edsel Gumbs no a fungi bon komo direktor. Despues tabatin problema entre gobièrnu den e tempu ei ku su susesor Michael Römer. Römer a hala un banda dunando espasio pa Landsrecherche hasi investigashon na su persona.
Mei 2017 gobièrnu di Kòrsou a yega na un akuerdo satisfaktorio ku Römer, pero e no a sigui komo direktor. E akuerdo aki a bira posibel despues di negosiashonnan duru entre di abogadonan di Gobièrnu i Römer. Rhuggenaath, ayera:
I miéntras VDC tabata den reorganisashon, e eks hefe Michael Romer te ainda ta mancha pa hopi akusashon den su direkshon. Sr Römer. a bira hefe di VDC despues ku sr Calmero a baha. E tempu ei bou di gabinete di Gerrit Schotte el a keda aserka, no pa Schotte pero pa gobernadó huntu ku eks hefenan; el a keda evaluá pa komishonnan i a pasa tur skrining.
E servisio di inteligensia na e momentu ei tabata den un krísis. Publikashonnan, lèkmentu di informashon, tur esei a hinka e servisio di inteligensia den un lus negativo i kousa e krísis. Riba petishon di gobièrnu a kuminsá ku reorganisashon. A pone promé sra Dindial i despues sr Calmero pa pone e servisio bek riba pia. Sr Römer. a sinta banda di sr Calmero komo su ‘counterpart’ i konsekuentemente ora Calmero a baha,
Römer. a keda enkargá ku e funshon pa VDC mas.’ E (eks) hefe di VDC ta na disposishon di Ministerio di Asuntunan general. Segun Rhuggenaath Römer tin un ròl den e ministerio, pero no ta traha pa VDC. Kiko a pasa e tempu ei….
reorganisashon di e servisio i nombra pa e tempu ei promé minister Betrian. Tabata un temporada basta difísil pa sr Römer., ku atakenan di tur skina kontra di su persona i asta su bida priva. Implementashon di e reorganisashon tabata basta leu ora sr Römer. mester a hala un banda pa investigashon tuma lugá di tur e akusashonnan kontra di dje. Investigashonnan a tuma lugá i a Sali na kla ku sr Römer. a keda akusá i tilda inhustamente.
For di investigashon a Sali na kla ku sr Römer. no a keda nombra polítikamente, tampoko niun informashon a keda duna na e servisio kolombiano i ménos tabatin nada di menasa ku arma di kandela kontra niun hende. Segun EXTRA su informashonnan, sr Römer. a skohe pa trankilidat di e servisio, tuma otro funshon, kual ainda no a keda kla.
E funshon di hefe di VDC ta riba nòmber di Michael Römer. ainda, teniendo na kuenta ku e no a haña un puesto apropiá ku ta kuadra ku su kapasidat i preparashon. Mester enfatisá ku Sr Römer. a keda apsolvé di tur akusashon.
Bron: Extra dinsdag 29 januari