WILLEMSTAD,- Landsrecherche a studiá e kaso di posibel malversashon den kas di Kòrsou dor di minister Plenipotensiario di Kòrsou na Ulanda Marvelyne Wiels.
Asina Ministerio Públiko (OM) a duna di konosé na parlamentario Omayra Leeflang.
Leeflang riba dia 23 di sèptèmber a entrega keho kontra posibel malversashon di Marvelyne Wiels na Kas di Kòrsou. OM a manda un karta dia 23 di Novèmber na Leeflang pa indiká e status di e investigashon.
E karta di OM ta bisa ku Landsrecheche a studia e kaso.
Durante e proseso ei SOAB a bisa ku Kas di Kòrsou ainda ta investigá dikon tin un diferensia entre e plaka ku mester tin segun atministrashonIesaldodi banko.
OM ta warda resultado di e investigashon pa determiná kon ta sigui ku su investigashon.
Leeflang: ‘ Komo Parlamentario ku a hasi e keho mi ta satisfecho ku investigashon ta den proseso pa pueblo por haña klaridat kiko a sosodé ku un montante di mas ku mei mion na Kas di Kòrsou. Komo un Watchdog Hustu, lo mi sigui informá pueblo di Kòrsou.’
Den su keho entregá na Ministerio Públiko Leeflang a basá su mes riba e echo ku konforme e dokumento di SOAB,16/0498C.JH, ta indiká riba página 16 bou di e di sinku punto di atenshon ku e kuenta 56.94.22.124, tin un suma di 235.322,06 euro ku a somentá sin ku por saka afó na unda e plaka aki a bai.
Relashoná ku e nota aki den e dokumentu di SOAB, Leeflang den su kalidat komo Parlamentario a hasi pregunta na Parlamento tokante e suma di plaka aki. Preguntanan mester a keda kontestá pa Minister Presidente, pero e reunion en kuestion a keda suspendé i nunka mas no a kontinuá ku e reunion spesífiko aki. Dos luna pasá Leeflang a splika ‘ku komo representante di pueblo i kumpliendo ku e loke el a huramentá p’e, no a ked’e nada otro di entrega un keho na Ministerio Públiko kontra di Marvelyne Wiels pa malversashon di 235.322,06 euro.’
Bron: Extra