WILLEMSTAD.- Mi sa ken a hecha e baina ei (asesiná Helmin Wiels lider polítiko di Pueblo Soberano), esei ta loke ku e lider aktual dje partido, Jaime Cordoba a bisa djasabra den Soberano City. Cordoba tabata basta indigná ku sierto medio lo a sugerí ku e ta sospechoso den e kaso. El a nenga esaki indikando ku ta komo testigu el a bai. Ademas el a pidi esnan na sierto medio pa no atendé kuné.
E ta bon hende, pero e tin algun ruman ku a yega djasabra ku nan si no ta hasi wega.
Tambe el a kuestioná deklarashon di Aubert Wiels ku a papia riba baimentu di Cordoba na RST.
Cordoba a bisa ku djabièrnè ora el a bai RST pa interogashon komo testigu, grandi tabata su sorpresa ku tabatin miembronan di prensa pará kla pa saka su foto. Tantu na su yegada komo salida. P’esei awe e lo bai serka e hefe di RST pa puntra ta ki e bagamunderianan aki ta.
Mas aleu Cordoba a sigui bisa ku e tambe tabata polis i meskos ku RST ta interog’é, e tambe ta interogá nan. “Nan a hasi mi 8 pregunta”.
Segun Cordoba ta lista di hende a bai djabièrnè RST i ayera djasabra 5 mart tambe.
Despues di a keda interogá, Cordoba a bisa “Mi sa ken a hecha e baina aki. Den e luna nan ku ta bini aki, e kaso lo keda kla.
Ta un abusu grandi nan a hasi ku pais dor mata i asesiná kruelmente un hòmber ku ta papia e bèrdat. Awor nan ke men ku e partido ta kai, esei nunka. Votadónan ta bèk na kas”. El a sigurá Soberanonan ku ora e desenlase dje kaso tuma lugá, e votadónan lo kore bin kas.
Cordoba a sigui bisa ku no tin niun hende den gobièrnu ku a hasi mas ku Pueblo Soberano. Awor aki tin hende ta buska voto di Pueblo Soberano.
Finalmente Cordoba a kuestioná esnan ku a lanta partido. El a bisa ku ta hopi mahos hende ku mal nòmber ta lanta partido.
Bron: Extra
Lucius Annaeus Seneca (filosoof uit Córdoba (!!) Spanje) zei het al: wie voordeel behaalt uit een misdaad, die deed het. (Cui prodest scelus, is fecit.)
Opsluiten totdat hij verteld wie het heeft gedaan
den politico bo por biba bon-auto grandi-tur na oro i bon kome–oink oink e solo ta sali pa un par di politico so.
pfffffff politika barata