WILLEMSTAD.- Awor si tur kos ta kla, pa eks minister di finansa George Jamaloodin keda ekstraditá di Venezuela pa Kòrsou.
Tantu Hof aki na Kòrsou komo outoridatnan na Venezuela ta pendiente pa su ekstradishon.
Mester duna di konosé ku no tabata fásil pa esaki bira realidat, mirando ku Kòrsou no tin un akuerdo di ekstradishon ku pais bisiña Venezuela.
Pero despues di algun prosedura esaki ya a keda reglá i un ora pa otro e eks minister, lo wòrdu tres’é Kòrsou.
Na Venezuela aworakí Jamaloodin no ta enkarselá manera a ser bisá, pero si tin vigilansia riba dje 24/7.
Manera ta konosí Jamaloodin ta keda sospechá di ta un di e outornan intelektual den kaso asesinato di Sr. Helmin Wiels i tambe ku e ta metí den otro investigashonnan ku tin di aber ku falsifikashon di dokumentu i froude.
Pa loke ta trata e asesinato di Helmin Wiels, durante e kaso di Nini Fonseca kaminda Elvis Kuwas a bin testiguá, esei a bin dilanti i Ministerio Públiko ta para duru riba e punto aki.
Pa logra un kondena kontra di Jamaloodin, EXTRA a komprendé ku ofisialnan di Ministerio Públiko a biaha pa Ulanda i a bai papia ku Nini Fonseca den afan pa konvensé pa e bisa ken a dun’é plaka pa asesiná Helmin Wiels.
Ministerio Públiko tabatin un dil ku kualke prezu ku kastigu pisá manera Nini tin lo no por nenga i a ofresé Nini e dil en kuestion.
Pero Nini a para duru i no a bai di akuerdo ku e dil ku fiskalnan di Kòrsou a bai kuné pe. Esaki a pone ku fiskalnan a regresá Kòrsou sin por a logra algu for di Nini su boka.
Mientrastantu tabatin indikashon ekstradishon di Jamaloodin lo no bira un proseso fásil, pa motibu ku Jamaloodin tin un pèrmit di residensia venezolano. Esaki a hasi e proseso kompliká pa Venezuela koperá o sea entregá Jamaloodin na hustisia di kurasoleño.
Algun luna pasá, e tribunal di Venezuela a trata e petishon di Ministerio Públiko Kòrsou pa ekstradishon di Jamaloodin i mester indiká ku tur kos ta kla awor si pa Jamaloodin regresá Kòrsou.
Bron: Extra
Norman Serphos zei in een interview dat het OM hiervan niet op de hoogte is. De vraag is of Extra zo maar een bericht uit hun duim zuigt, of is Serphos aan het liegen? Wat volgens mij in elk geval vreemd is, is dat het beveiligingsbedrijf van deze voortvluchtige nog een contract met de overheid heeft.
Wat een schande dat deze corrupte crimineel, zonder enige opleiding, minister van financien kon worden onder Schotte.
En wat een volk van m*nd* monkeys, dat de partij van deze Schotte nog 15,000 stemmen bezorgde bij de laatste verkiezingen.
Welkome back, showtime?