Extra | Artista kerí di Kòrsou Nena Sanchez a fayesé

Artista kerí di Kòrsou Nena Sanchez a fayesé | Extra

WILLEMSTAD.- Ayera tardi e notisia tristu a yega redakshon di EXTRA tambe. E artista tan kerí kurasoleño Nena Sanchez a fayesé. Ounke nos no a logra haña kontakto ku e famia, EXTRA kier a dediká algun palabra di konsuelo na nan i pa rekordá tur hende ken ta e gran artista aki.

Nos ta sigur si nos djis menshoná un di e kayanan smalitu den Punda, ku dekorashon ku por mira for di Breedestraat, nos ta sigur ku tur hende lo sa ta ken nos ta referí na dje.

Nena Sanchez ta un amante di arte for di chikí. Ku su 18 aña el a partisipá na kòntèst di arte i for di einan su arte a keda skohe pa bai den eksterior den e kaso aki México pa kompetí.

Nena ta un di e famoso damanan ku a saka kara di Kòrsou den Miss Universe. Na 1966 el a partisipá na e kòntèst aki i a keda skohe komo Miss Amity. Nena a biba un temporada na Venezuela kaminda el a sigui estudio den dekorashon interior.

Despues di 25 aña den eksterior Nena a regresá Kòrsou na 1994 i ta kuminsá ku su kolekshon di pinturanan usando kolonan briante i tur loke tabata rondon’é na Kòrsou manera mata, naturalesa i hopi mas.

Nena tin su galeria di eksposishon tambe na Jan Kok kaminda hopi turista a haña nan kaminda pa konosé Kòrsou mas di aserka, for di e bista di un artista.

Segun nos informashonnan Nena Sanchez a fayesé pero sigur a laga Kòrsou ku rekuerdonan sumamentu bunita atras.

Bron: Extra

3 Reacties op “Extra | Artista kerí di Kòrsou Nena Sanchez a fayesé

  1. Prachtig mens en kunstenares, net als Dinah Veeris.

    Helaas worden zij niet als rolmodellen gezien, de MFK mafia spreekt meer aan.

  2. Horacio Yrausquin-Palacios

    Mi kera diga algu riba Nena:
    In memory of my dear sweet Nena Sanchez, family, friend and artist. I have known her since our childhood. Nena, has always dazzled me at every age! Heaven could no-longer wait. May she now dazzle God, the angles and the heavens, with your “Blue Goddesses” and her brilliant splashes of Curaçao colors. She is now, our Vincent! Rest in Peace my sweet friend: “Now cracks a noble heart. Good night sweet prince(ss): And flights of angels sing thee to thy rest!.” – Horatio to Hamlet.
    Masha danki, Horacio

  3. Bunita pintura nan.
    R.I.P.
    Sterkte aan de familie

Geef een reactie

Het e-mailadres wordt niet gepubliceerd. Vereiste velden zijn gemarkeerd met *