Dutch Antilles Express Komunikado di Prensa

logo-daeFrancisco Paz Fleitas, presidente di INAC a suspende DAE su vuelonan pa Venezuela inhustamente

WILLEMSTAD – Aparentemente, señor Fransisco Paz Fleitas di INAC a sigui ku su atakenan vil i baho kontra di e kompania di aviashon Dutch Antilles Express (DAE). Informashon ku INAC a emití ta bisa ku e organisashon Venezolano a suspendé “cautelarmente” DAE su operashon riba teritorio Venezolano. INAC su argumento ta ku nan a opservá algun inkonformidat durante inspekshon dor di outoridat aeronóutika konforme dos akta fecha 10 di yanüari 2013 i 20 di aprel 2012.

DAE no ta aseptá e medida aki pasobra e kompania a kontesta tur dos akta debidamente. DAE tin prueba tambe ku INAC debidamente a risibí kontesta riba e dos aktanan aki. Pues e rason aki no tin ningun klase di valides manera INAC ta pretendé.

Refiriendo na e dos aktanan aki, DAE ta deklará ku ningun momentu so e no a risibí komunikashon di parti di INAC tokante nan aseptashon di e akshonnan korektivo ku DAE a hasi. Tambe INAC nunka a sera e aktanan aki manera preskribi pa lei venezolano. Mas bien INAC a komete un bluder dor ku nan supuestamente a perde e kontestanan di DAE. E emsun INAC aki a inspekshona e mesun avionan aki varios bes mas sin nunka a bolbe riba e akta en kestion. Es mas, e avionnan aki ta momentaneamente den C-check i no ta operando nibula pa Venezuela; ta trata di aktanan ya di un tempu atras. Esaki ta ilustra ku e medidanan tuma pa señor Fransisco Paz Fleite di INAC supuestamente ta basa riba interesnan personal òf di otro indolo pa impedí DAE di ópera vuelonan entre Kòrsou i Venezuela.

For di un prinsipio kada akta ku INAC a manda pa DAE a keda kontesta debidamente den e lapso di tempu indiká pero INAC nunka a hasi di su parti konforme nan propio petishon.

Esaki klaramente ta demostrá ku e falta ta sinta serka señor Fransisco Paz Fleitas i INAC. DAE su pregunta ta; ta kua interes INAC ta sirbiendo. Venezuela no ta kumpliendo ku e akuerdo bilateral ku e mes a firma ku 150 otro pais. E medidanan aki no ta afektá solamente e trahadónan di Kòrsou pero esnan di Venezuela tambe inkluso tur e pasaheronan ku ta hasi uso di e kompania di aviashon.

Venezuela a firma e akuerdo bilateral i e mester kumpli ku n’e. DAE ta suplikando outoridatnan i gobiernu di Kòrsou tuma medida kontra di e kompanianan di aviashon Venezolano ku ta ópera pa Kòrsou riba un base resiproka. Tambe DAE ta spera ku gobiernu lo Sali na vanguardia e kompania lokal i su 350 trahadonan nashonal. Korsou no por sigi aksepta e abusu aki di INAC.

Segun e medio di komunikashon Reuter, Venezuela tin 11 kompania di aviashon lokal ku un total di 100 avion. E avionnan aki ta ser konsiderá komo esnan di mas bieu di Sur Amérika ku un promedio di 27 aña di operashon. DAE su flota ta moderno i siguridat ta na promé lugá pa e kompania di aviashon. E avionnan di DAE ta moderno i sigur i tambe mas nobo ku esnan venezolano.

DAE ta preparando pa demanda señor Fransisco Paz Fleitas, INAC i Estado Venezolano pa loke ta trata e medidanan aki. DAE ta tene INAC responsabel pa e krisis aki i su konsekuenshanan, vooral pa su pasaheronan. DAE ya a kuminsa ku su demanda legal kontra di e instanshanan konserni na Venezuela. Ta di spera ku pronto Gobiernu di Korsou lo sigi den e pasonanan aki i defende trahadonan lokal di DAE.

Sea informa ku DAE ta opera tur su buelonan pa tur otro destinashonnan, inkluso Miami, ku eksepshon di Venezuela normalmente.     About Dutch Antilles Express Cover your company basics here – legal name, location, years in business, etc. Also include a brief description of your products or services.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *