Mester yama Ser Supremo danki ku no a registrá herido den e kandela ku a surgi n’e planta Crude Distiller 3 na Refineria Isla.

E situashon no a afektá demas prosesonan den Refineria tampoko ya ku e personal i bomberonan a sa na kontené esaki den tempu relativamente kòrtiku. Bosero di Refineria Isla, Earl Balborda, ta suprayá ku aki i aya hende por a sinti molèster pa e huma, pero ku esaki no tabata kontené kímiko peligroso. En realidat ta gasolin tabata kimando asina, di akuerdo ku Balborda. TeleNotisia tabata LIVE mainta ku e kandela na Refineria.

Bron: Telecuracao Multimedia