Riba djadumingu 21 di mei 2017, den oranan di mainta a drenta notifikashon di asesinato na sentral di polis. E asesinato a tuma lugá na St. Joris i na yegada agentenan polisial a enkontrá kurpa di un hòmber den balkon di un kas.
E kurpa tabata tin tres perforashon di bala i e hòmber no tabata duna señal di bida. For di informashon preliminar a dedusí ku e viktima ta sr. Gregory Illidge. Sr. Illidge ta miembro di Partido Nashonal di Pueblo, alabes un konosido komersiante, ku a kaba di entregá keho di menasa kontra su bida na warda di polis.
Dokter di polis a konstatá morto i agentenan polisial ta investigá e kaso di asesinato aki den relashon tambe ku e keho ku a keda entregá.
Forsa na famia di e defuntu.
Bron: Kikota Pasando
Nalatigheid van politie???????????????