Willemstad – Parlamentu di Kòrsou a bai di akuerdo riba 6 februari 2014 pa hasi kambio den e lei “Toelating & Uitzetting” i tambe e “Eilandsverordening leges, precariorechten en retributies Curaçao 1992”. Lo introdusí e kambionan entrante 1 aprel 2014.
E kambionan aki lo trese kuné ku for di 1 aprel próksimo Gobiernu di Kòrsou pa medio di Servisio di Atmishon (ántes Imigrashon), lo kobra un montante pa kada produkto i servisio ku ta hasi na e servisio menshona.
E sigiente tarifanan lo ta vigente konforme artikulo 32a junkto artikulo 70 di “Legesverordening”:
| Product/dienst | Leges | Retributies | |
| a | bewijs van terugkeer | NAf. 170,00 | NAf. 55,00 |
| b | niet-van-toepassing verklaring | NAf. 170,00 | NAf. 55,00 |
| c | verklaring van rechtswege | NAf. 560,00 | NAf. 55,00 |
| d | eerste verzoek (doel Arbeid) | NAf. 600,00 | NAf. 55,00 |
| e | eerste verzoek (doel Gezinshereniging) | NAf. 600,00 | NAf. 55,00 |
| f | voor meereizend gezinslid | NAf 600,00 | NAf. 55,00 |
| g | eerste verzoek (doel Studie) | NAf. 570,00 | NAf. 55,00 |
| h | eerste verzoek (doel Rentenier) | NAf. 580,00 | NAf. 55,00 |
| i | eerste verzoek (doel Gepensioneerd) | NAf. 580,00 | NAf. 55,00 |
| j | eerste verzoek (doel Eigen Bedrijf) | NAf. 580,00 | NAf. 55,00 |
| k | verlenging (doel Arbeid) | NAf. 570,00 | NAf. 45,00 |
| l | verlenging (doel Gezinshereniging) | NAf. 580,00 | NAf. 45,00 |
| m | verlenging (doel Studie) | NAf. 570,00 | NAf. 45,00 |
| n | verlenging (doel Rentenier) | NAf. 570,00 | NAf. 45,00 |
| o | verlenging (doel Gepensioneerd | NAf. 570,00 | NAf. 45,00 |
| p | verlenging (doel Eigen Bedrijf) | NAf. 570,00 | NAf. 45,00 |
| q | wijziging vergunning | NAf. 570,00 | NAf. 45,00 |
| r | vergunning tot onbepaalde tijd | NAf. 570,00 | NAf. 45,00 |
| s | stageverblijf | NAf. 470,00 | NAf. 55,00 |
| t | kort verblijf | NAf. 480,00 | NAf. 55,00 |
| u | verlenging Toeristisch Verblijf | NAf. 470,00 | NAf. 55,00 |
| v | definitief Vertrek | NAf. 90,00 | NAf. 55,00 |
| Afschrift | NAf. 140,00 | NAf. 55,00 |
Traha sita
E persona ku mester hasi un petishon pa entre otro pèrmit di estadia, lo mester traha un sita. E petishon pa e sita por wordu hasi na e sigiente forma, e persona mester manda un e-mail na: [email protected] òf pasa personalmente na Balie di Informashon na Servisio di Atmishon situa na Mortiersweg 5. Temporalmente no por traha sita via di telefòn manera tabata kustumber.
Pago di resibu
Huntu ku e prueba di sita e persona lo risibi un resibu ku e montante ku e tin di paga pa e “leges en retributies”. Kada petishon pa un pèrmit òf servisio mester tin su propio prueba di pago. E pago (nan) aki tin ku wordu hasi na un di kantor nan di Girobank N.V.
Riba e fecha di e sita, e persona ta presentá ku su komprobante original di pago i tambe e otro dokumentonan rekeri. Tene na kuenta ku si e persona no ta disponé di e komprobante original di pago, su petishon lo no wordu asepta. Na Servisio di Atmishon no ta posibel pa hasi pago di ningun permit.
Otorgamentu di pèrmit
Na momentu ku e pèrmit di estadia ta kla, e persona lo haña un karta di yamada di Servisio di Atmishon. E persona tin ku traha un sita pa e bin tuma su pèrmit. Riba dia di su sita e persona tin ku presenta ku su komprobante original di pago ku stèmpel di Servisio di Atmishon riba dje, huntu ku e otro rekisitonan.
Si akaso ta desea mas informashon, por tuma kontakto ku nos Customer Contact Center na telefòn 733-2000 òf 733-2055 òf via nos e-mail [email protected]. Servisio di Atmishon ta habri pa publiko di djaluna pa djaweps di 7:45 – 12.00 am i djabièrne nos ta sera pa publiko.
Servisio di Atmishon ta konfia ku hasiendo esaki e ta sigui komprometé su mes pa alsa kalidat di su servisionan dunando asina kontenido i realse na su vishon, mishon i balornan.
Bron: Persbureau Curaçao