
WILLEMSTAD – Outor di e estudio riba zonifikashon pa Ostpùnt i e grupo su tras tin reputashon dudoso i ta metí den e froude ku propiedat inmobil mas grandi ku Ulanda a konosé di akuerdo ku Omayra Leeflang.
Ted Wolf, outor dje rapòrt Grupo Van Vlijmen ku ta su tras tin reputashon demasiado kuestionabel pa gobièrnu pidi nan traha un rapòrt pa akomodá desaroyo na Ostpùnt asina e parlamentario di Un Kòrsou Hustu a bisa.
E rapòrt ta traha di tal forma ku por laba plaka ku nan a haña ku e froude di propiedat inmobil i si ta nesesario lo entrega keho na Ministerio Públiko e parlamentario a duna di konosé. El a preferá di a mira un relato preliminar riba adaptashonnan nesesario di EOP pa akomodá desaroyonan na Ostpùnt pero unabes mayoria den parlamento a vota na fabor di un relato final ta di warda awor pa mira kon gobièrnu ta bai kontesta den parlamento i aki un biaha mas lo dependé di desishonnan ku tuma si mester bai duna keho e parlamentario a splika.
E tambe ta djòin e kresiente grupo di legisladornan i mandatarionan ku ke pone fin na e dilema di Ostpùnt ku den su konsepto a dura demasiado.
Omayra Leeflang a duna rekonosementu na Anthony Godett ku komo diputado di Kòrsou a atendé e asuntu ku famia Maal i a skapa kaha di gobièrnu, pueblo pues un claim di mas ku shen mion florin.
Awe e claim aki por ta bek riba mesa si nos mes hasi kosnan robes manera ta parse ku e rapòrt di zonifikashon ku gobièrnu a laga Ted Wolf traha, Omayra Leeflang a konkluí.
Bron: Extra