WILLEMSTAD.- Konseho Supremo Elektoral (KSE) ayera a duna un rueda di prensa despues ku postulashon di kandidato pa elekshon di 28 di aprel 2017 a tuma lugá.
Segun presidente di Konseho Supremo Elektoral (KSE) Raymond “Pacheco” Römer: “Nos a konta ku 13 lista mester a keda entregá. A resultá ku meskos ku aña pasá 8 di ougùstùs na último ora un partido a entregá; ku ta “Liberalismo, Klásiko Komunidat di Kòrsou” di Josefina Josepha. Segun presidente di KSE: “Kosnan a bai relativamente bon. Tur hende a mantené nan mes na e orario. Tur kos a kana nèchi.”
Lista di kandidato di e siguiente partidonan a keda entregá: MAN, Movementu Progresivo, Un Kòrsou Hustu, Partido Demokrat, Partido Inovashon Nashonal, Movementu Kousá Promé, Partido Alternativa Real, Movementu Futuro Kòrsou, Pueblo Soberano, Kòrsou di Nos Tur, Partido Nashonal di Pueblo, Movementu Push Kòrsou, Partido Aliansa Nobo i Liberalismo, Klásiko Komunidat di Kòrsou.
Segun Pacheco Römer: “Sinku di e listanan ta enkabesá dor di un dama. Di e 14 listanan, 6 di nan lo mester partisipá na e proseso di sostenementu di lista ku ta tuma lugá 18 i 19 di mart 2017.”
Römer a splika ku komo Konseho Supremo Elektoral nan ta satisfecho ku e manera ku e dia di ayera a bai. “E dia a bai sin problema i sigur sin niun insidente, asina polis a informá nos”.
Bron: Extra
