WILLEMSTAD.- Un di e metanan ku Ministerio Públiko a focus riba dje den aña 2016, ta pa den 5 luna despues ku un kaso hubenil yega serka nan, e kaso keda atendé te na final, pues e kaso mester ta será.
Den nan relato anual 2016, Ministerio Públiko ta duna di konosé ku durante e aña tras di lomba, nan a logra pa gran parti e meta ya menshoná.
Nan a logra atendé 70% di e kasonan skibí na Ministerio Públiko te na final. E sobra 30% di kasonan a keda atendé den 2017.
E normanan ku a keda usá den 2016 pa yega na e desishonnan disiplinario pa e hóbennan, lo kontinuá den 2017.
Den aña 2016 tur kaso ku tabata pendiente, hóbennan kondená, pero ku ainda no a ehekutá e kastigu, tur a konosé ehekushon. Pa gran parti e ehekushonnan tabata ku koperashon di AJJC.
Hóbennan ku a kai den man di hustisia, pero ku no a bai será, a keda bou di vigilansia di “reclassering” hubenil.
E guia i supervishon ta bai mas leu, kaminda ku Ministerio Públiko i e otro instansianan, tabata sigui pasonan di e rumannan chikí di e esnan ku ta “dropout” di skol, esnan ku a kai den gara di hustisia i bai sera pa nan no mester sigui e ehèmpel di e rumannan mas grandi ku por sierto nan mes ainda ta hóben.
Akinan e asina yamá “Veiligheidshuis” tabata nesesario.
E trabounan ta kontinuá pa skapa nos hubentut i riba un base regular partidonan ta sinta na mesa pa atendé e diferente proyektonan ku tin i un di nan sigur ta e enseñansa obligatorio
Bron: Extra
