ORANJESTAD.- Djaluna mardugá e operador di radar a detektá un moveshon sospechoso den awanan parti nortost di Aruba.
Mesora a manda un Super-RHIB den direkshon pa asina por a tira un bista.
Na mes momentu a pidi asistensia di Kuerpo Polisial di Aruba debí ku no tabata mira e boto mas den awa.
Mesora a kuminsá ku un búskeda intenso ku a konkluí den detenshon di 4 persona parti mainta.
Mas lat a logra detené 3 persona mas.
Tur ta personanan a subi tera di un forma ilegal biniendo for di Venezuela.
A entrega e personanan na departamento di imigrashon i tambe a konfiská e boto ku a haña kantu di kosta pa mas investigashon.
Bron: Extra