WILLEMSTAD. – E dokumental ‘5 di mei 2013’ ayera anochi a estrená na Cinemark, Sambil. Dokumental a keda trahá dor di Lilo Sulvaran di Vigilante, huntu ku Ryan ‘QD’ Navarro.
Resultado ta un dokumental di mas ku 1 ora i mei tokante asesinato di Wiels.
E dokumental ta impreshonante pa loke ta trata grabashon, lus i músika. Den e dokumental diferente persona ta duna nan bista tokante e persona di Wiels i su asesinato. Persona manera Elmer Wilsoe, Aubert Wiels, Lucho Rosales, Melvin ‘Mac’ Cijntje i tambe Lilo Sulvaran.
Den e dokumental ta splika henter e trayekto promé ku Elvis Kuwas a asesiná Wiels. Tambe ta traha riba diferente senario di e posibel motibunan pa asesiná e lider polítiko.
E estreno di ayera anochi a konta ku un kantidat grandi di invitado. For di awor por mira e dokumental ‘5 di mei 2013’ den e diferente sine nan na Kòrsou.
Bron: Extra
Un kos ku mi a keda stranjo den e documental ta, ku wiels kier a manda e Hulandes nan bek den saku anto algun siman despues nan ta mate. Mi no a mira esei den ningun di e posibel scenario nan.