Sosialistanan di salon ta reis na Kòrsou manera paddestoel, ta hendenan ku ta biba riba kustia di otro hende, biaha rònt mundu riba kustia di hende, bin konta e kosnan bon ku nan a mira rònt mundu sin nan ta hasi algu tangibel pa e pueblo.
Nunka nan a produsí nada, nan ta yalurs riba hende nan ku ta traha duru tur dia i anochi pa nan sobreviví, nan ta kore den e outo nan di mas mehor, nan yunan ta bai e skol di mas mehor, pa medio di nan amigu nan ta den tur komishonTur kos ku nan ta den ta bon, si bo no ta pensa meskos ku nan bo ta hende blanku, i asta nan ta asina fresku di manda bo bai biba den otro Pais, maske nan ta mes òf mas pretu ku bo. Aktuashon di e sosialista di salonnan aki a pone ku hopi familia no tin pan den nan kas, pero nan si a keda bon para.
Papia di sosialismo ta un kos , pero aktua sosial ta otro, nan ta sosial ora ta kombiná nan i nan amigu nan pasombra nan tin e poder, pero loke nan ta lubidá ku poder ta un kos masha relativo, awe bo tei, mayan bo no tei hasi normal.
E sosialista di salonnan aki ta usa tur medio di komunikashon pa instiga e pueblo, ku sèn no ta tur kos, ku nan mester traha duru, nan mester laga kosnan di mundu para, nan mester baha nan nivel di bida i nan ta biba tur dia riba kustia di e mes un hendenan aki,sin rel ni trel.
Kon un sosialista por ta kontra un yudansa pa e pueblo ?Kon un sosialista por ta papia pa baha nivel di bida kaminda tin 5000 mucha ta bai skol sin kome ? Kon un sosialista por ta kontra yudansa di un pueblo kaminda hopi no tin un entrada pa e por sobreviví. ? Pueblo midi bo mes i midi nan
Eks Parlamentario
Edgar gachi Leito
Fecha : 6 april 2012
