Tur komienso tin un final i Siman di Kultura a klousurá ofisialmente awe ku un aktividat ameno na Mathey Werf. Kas di Kultura a invitá gruponan di baile pa presentá i tabatin diferente stènt di kuminda i kos di boka dushi. E wer a pone ku e públiko no tabata grandi pero esnan ku tabatei a gosa di e músika i tambe otro artíkulonan ku tabata na benta. Mas den oranan di anochi Kas di Kultura a hasi entrega tambe di vários premio relashoná ku e diferente kompetensianan ku tabatin e siman aki, manera esun kulinario entre miembronan di prensa ayera. Mester bisa ku Kas di Kultura meresé un “pluimpje” pa e forma kon tur aktividat tabata organisá i esfuerso ku tur empleado di e instansia a hinka den e siman di kultura di e aña aki.
Bron: Telecuracao