WILLEMSTAD.-‘Konstrukshon di hotèlnan òf kambernan nobo, ta nifiká ku mesora tin trabou. Na promé instansia trabou di konstrukshon. Ora e hotèl ta kla, tin mas trabou den sektor di hospitalidat.’ Asina minister di Desaroyo Ekonómiko Steven Martina a splika.

Segun Martina gobièrnu por yuda ku mas hotèl lo wòrdu konstruí na Kòrsou ‘pa pone red tape bai red carpet’. Minister ta splika ku gobièrnu a hasi esei awor pa dos proyekto di hotèl. ‘Den e promé siman di sèptèmber nos lo pone e promé piedra simbólikamente. E promé hotèl ta Marichi Hotel ku den promé siman di sèptèmber lo konosé e seremonia di promé piedra. E otro hotèl ta Lagun Hill na Jan Thiel, ku tambe ta un proyekto ku nos a poné kana den e dos luna i mei. Esaki a tuma lugá huntu ku minister di Tráfiko, Transporte i Planifikashon Urbano Zita Jesus-Leito. Nos a identifiká e proyektonan aki, nos a hasi e trabou nesesario ku awor den un forma simbóliko e trabou di konstrukshon por start.’

Bron: Extra