WILLEMSTAD. – Minister di Asuntunan Sosial, Desaroyo, Labor i Bienestar e siman aki mester tin klaridat pa bisa ki dia Jan Schinkel por reanudá trabou bèk na e ministerio aki.
Esaki ta e di dos kaso ku Minister di e ministerio aki ta pèrdè den un siman, dor di pone hende riba suspenshon òf a kita nan for di trabou sin ku tin motibunan bálido. Dia 9 di novèmber tras di lomba, Korte di ámtenar a diktá fayo i a pasa den tur e puntonan di e disputa ku tin entre di Jan i Minister.
Dia 9 di mart 2015, minister a saka un desishon pa prohibí Jan yega porta di trabou i despues e ta saka un di dos ku un prolongashon te dia ku investigashon kontra Jan terminá.
E investigashon aki por keda sin terminá nunka tambe i Jan a entamá un kaso den korte kontra di e minister. Despues ku hues a repasá henter e kaso, el a ordená e minister pa entrega Jan su pertinensianan bèk i tambe pa laga Jan sa promé ku dia 11 di novèmber, ki dia e ta kuminsá traha.
Bron: Extra