WILLEMSTAD.- Siman a habri ku e notisia ku Konseho di Minister di Kòrsou ku mayoria di sinku pro, tres kontra i un apstené a aprobá publikashon di Lei 80/20. Mester bisa aki aprobá publikashon dje lei pa motibu ku esaki ya a pasa den parlamento kaba kaminda mesun partidonan a vota pro òf kontra.
Minister Suzanne Camelia-Römer ku a vota na fabor di publikashon dje lei huntu ku su koleganan minister di Pueblo Soberano no a apresiá niun tiki ku kontenido dje reunion di Konseho di Minister ta riba kaya i ku asta a informá ku luho i detaye ken a vota pro, ken a vota kontra i kua minister a apstené di vota. E kos aki ta kontra lei ya ku reunionnan di Konseho di Minister di Estado ta sekreto i no por divulgá nan kontenido e titular di Tráfiko, Transporte i Planifikashon Urbano a bisa na prensa.
Mester laga ministerio públiko investigá ken i kon a lèk kontenido dje reunion kaminda a vota na fabor pa laga publiká e lei minister Camelia-Römer a sigui bisa. Si a denunsia parlamentario Amerigo Thodé p’e echo ku el a graba un reunion di porta será di un komishon di parlamento i despues pasa e grabashon na radio mester investigá e lèkmentu den Konseho di Minister tambe, e mandatario a bisa.
E kosnan aki segun sra. Camelia- Römer ta duna mas indikashon kon bruá nos ta riba diferente tereno aki na Kòrsou. For di su deklarashonnan no por a dedusí ku minister Suzanne Camelia-Römer ‘herself’ ta bai entregá keho na ministerio públiko i pidi pa investigá e lèk aki. Alex Rosaria komo lider polítiko di partido Pais a deklará ku ministernan di su partido a vota kontra dje lei siguiendo linea di partido ku fo’i un prinsipio tabata kontra dje lei ku el a yama kontroversial i remedi robes pa diferente motibu. PAR no a bisa nada riba e informe ku minister Eugene Rhuggenaath tambe a vota kontra dje lei. No a tende nada di Glenn Sulvaran ku ta hefe polítiko di minister dr. José Jardim ku a apstené di vota riba e lei.
( Nota RED; Kisas ,minister Römer no tin di buska muchu leu ya ku e reunion di Konseho di Minister riba e lei 80/20 tabata ampliamente atendé den e enkuentro di partido Pueblo Soberano di djasabra pasá i pone riba nan wèpsait pa pueblo di Kòrsou por tende.)
Bron: Extra
Romer heeft vandaag niet gescoord bij haar aanhang die vanuit montanga naar poenda zich moesten vervoeren, mijn god waarom moet het zo land duren , rotonde had al tien keer klaar kunnen zijn , maar je wil er een vwerkiezing stund van maken, werkt afferechts, net zoals Gerrit de Raf bezich is om het hele eilandsbestuur te gijselen. goeie daaaaag.
10+
Deze vrouw en haar partij zijn allang voorbij hun haalbaarheidsdatum.
+1!
Yep, chapeau!
“…duna mas indikashon kon bruá nos ta riba diferente tereno aki na Kòrsou.” Segun sra. Camelia- Römer.
Nos no ta tende nada di minister Suzy Camelia-Römer riba e topikonan di UTS, KPMG i ‘online gaming’. Pero klaridat riba su manera di vota den Konseho di Minister (elekshon ta den porta) si ta motibu pa sra. Camelia- Römer sinti su mes obligá pa bai entregá un keho na ministerio públiko.