WILLEMSTAD.- Sinku miembro di Hunta di Komisario di banko Sentral di Kòrsou i St. Maarten a huramentá serka gobernadó di Kòrsou komo komisarionan. Mesun kos a sosodé ku esnan di St. Maarten ku a hura na nan isla.

Awor ku nan nombramentu i huramentashon ta kla por papia di e hunta di komisario di banko Sentral ku ta konsistí di Etienne Ys komo presidente i sra Jeanette Hagenm, sr Ajamu Baly, Dennis Richardson i Rignaal Jean Francisca komo miembronan di e hunta di komisario.

Ahmed Bell na mes momentu a keda nombrá komo miembro general di e hunta di komisario. E ta den eksterior aktualmente i ora e ta bek e tambe lo presta huramentashon. Despues di su huramentashon sr. Bell lo tuma su lugá ofisialmente den e hunta di komisarionan.

I despues di e huramentashonnan e siman aki, e hunta a reuní pa promé biaha. Despues di palabranan di bon bini di e presidente sr. Ys, el a mustra tambe riba e importansia di responsabilidat i konfiansa ku e hunta aki a haña di konseho di minister pa nan por tin supervishon riba Banko Sentral. Pronto lo nombrá e di shete miembro pa e hunta di komisario pa asina e ta kompleto.

Bron: Extra