Manera ta konosí, abogado Sulvaran a entamá un huisio sumario sivil den afan pa trata di no ekstraditá e tres kurasoleñonan pa Merka.
Ta trata di e sospechosonan Koeiman, Felisia i Rietwijk. Hustisia tin Koeiman i Felisia den kustodia, pero Rietwijk ainda no ta den detenshon.
Ministerio Públiko tin un grado hopi haltu di konfiansa ku ora e momentu yega pa e ekstradishon mester tuma lugá ku nan tin Rietwijk tambe riba e mesun avion.Sulvaran a splika EXTRA ku ayera hues a disidí ku tin dos motibu ku ta bon pa wanta ku e tratamentu di e kaso, esei ta ku mester chek si ta e proseder entrega por usa pa e kaso aki i e di dos punto ta ku ainda gobernador no a firma.Si esei bira e kaso lo mester wak ta kua ta e proseso ku mester atendé e ora ei kuné. E dia ku partidonan lo bolbe topa, ta dia 29 di novèmber benidero pa wak e situashon i lo disidí si ta sigui ku e prosedura entregá òf ta hasié un huisio sumario penal.
E loke ku pasa awor aki ta ku abogado Sulvaran a dal su paso, pa motibu ku komo abogado e no por warda te ora ku gobernador firma òf no, pa motibu ku e ora ei ya ta lat.
P’esei e kaso a keda entamá.
Esaki ta hasi ku por lo pronto nada di ekstradishon lo no tuma lugá.Ministerio Públiko a bai dje leu ei ku si te na ora ku gobernador disidí di firma, nan lo haña sufisiente tempu pa nan por apelá kontra di e desishon tumá.
Bron: Extra