Operadó di trùknan di berpùt a manifestá awe mainta na Shut, pa demonstrá nan malkontentu p’e echo ku a prohibí nan di sigui basha sushi eibanda. Nan ta rabiá paso no ta tumando kontenido di nan truk na Klein Hofje ni Klein Kwartier tampoko.
Mas atardi, un karavana di truk a hiba nan akshon Punda, kaminda nan a bisa nos ku nan kier a djis drai un buelta den sentro di siudat pitando pa hala atenshon riba nan akshon. Pero una bes ku nan a drenta Punda, polis riba baiskel a para nan net dilanti ofisina di Parlamentu.
E agentenan a splika e shofurnan di truk di berput ku nan no tin pèrmit pa e manifestashon i ku nan tin ku bira bai bèk. Nan a pasa dilanti Stadhuis, sigui pita i sali for di sentro di siudat.
Bron: Telecuracao