Tim multi disiplinario enkabesá pa MEO a tene kòntròl na klup Nokturno riba Gosieweg. Alrededor di mitar di 1 di mardugá e tim multi disiplinario a yega e establesementu.
Durante e kòntròl a detené dos sospechoso ku ta habitá un kamber den e klup. Tambe a konfiská arma di kandela, kantidat basta grandi di bala skerpi i mariwana. Durante e kòntròl tambe a konstatá ku tabatin hopi kaha di serbes ku fecha kaduká. E dokumentonan pa ópera negoshi tampoko no tabata na òrdu. Pues a sera e negoshi ku seya riba porta.
Bron: TeleCuracao Multimedia